91 jastaǵy Zımbabve prezıdenti taǵy da qatelesip, basqa baıandamany oqyǵan
ASTANA. QazAqparat - Zımbabve prezıdenti Robert Mýgabe Zanu-PF jyl saıynǵy konferentsııasynda taǵy da basqa sózderdi oqyp qoıdy.
91 jastaǵy Mýgabe 30 sekýndtaı basqa mátindi oqyǵany habarlandy. Alaıda onyń mátinin aýystyryp úlgerdi.
Qyrkúıekte Zımbabve prezıdenti parlamenttiń ashylýynda osyǵan deıingi bir aı buryn bolǵan sharada oqyǵan sózderin qaıtalaǵan bolatyn.
Juma kúni ol óziniń ornyn basatyn kandıdatýra aınalasyndaǵy saıası kúresti doǵarýǵa shaqyrdy, dep habarlady Bı-bı-sı.
Mýgabe 1980 jyldan eldi basqaryp keledi. Onyń kezekti prezıdenttik merzimi 2018 jyly aıaqtalady, alaıda partııa aldaǵy saılaýda da onyń kandıdatýrasyn usynady dep kútilýde.
