91 jastaǵy keıýana máıithanada tirilip ketti
ASTANA. QazAqparat - Dárigerler qaıtys bolǵandyǵyn jarııa etken Polshanyń qart turǵyny belgisiz jaǵdaıda ómirge qaıta oraldy, dep habarlady Bı-bı-sı.
Lıýblın voevodasyndaǵy Ostrov Lıýbelskı qalashyǵynda turatyn 91 jastaǵy ıAnına Kolkevıch kóz jumdy dep habarlanyp, onyń ólgendigi tirkelgen. Týǵan-týystary bolsa, marqumdy sońǵy saparǵa shyǵaryp salýǵa daıyndalyp, múrdeni máıithanaǵa aparǵan.
Tońazytqyshta birneshe saǵat jatqan ıAnına Kolkevıch salynǵan qapshyq kenetten qımyldaı bastaǵan. Mundaıdy kórmegen máıithana qyzmetkerleriniń tańdanbasqa sharasy da joq edi.
Keıýananyń týystarynyń aıtýynsha, shamamen tún ortasynan aýǵan shaqta bireýler esik qaqqan. Tabaldyryqta máıithana qyzmetkeri tur. Ol bolǵan jaıtty jetkizdi.
Úıge kelgen soń ıAnına Kolkevıch qatty tońǵandyǵyna shaǵymdanyp, bir kese ystyq shaı suraǵan.
Onyń ólimin tirkegen 30 jyldyń eńbek ótili bar dáriger qarttyń tynys almaǵandyǵyn, júreginiń soǵýy toqtaǵandyǵyn, qaıtys bolǵandyǵyna esh kúmáni bolmaǵandyǵyn málim etti.
