91 jastaǵy amerıkalyq AQSh prezıdentiniń ulyqtaý rásimine 18-shi ret qatysady
ASTANA. QazAqparat - 91 jastaǵy amerıkalyq juma kúni AQSh prezıdentiniń ulyqtaý rásimine 18-shi ret qatysady, dep habarlaıdy The Associated Press. Eske sala keteıik, 20 qańtar kúni Aq úıdiń 45-shi basshysy Donald Tramp ant qabyldaıdy.
«Rossııskaıa gazeta» atap ótkendeı, Nıý-Djersı shtatynyń turǵyny Garold Smık alǵash ret 1941 jyldyń 20 qańtarynda Amerıka prezıdentiniń ınaýgýratsııasyna qatysqan. Ol kezde Franklın Rýzvelt úshinshi ret memleket basshysynyń antyn qabyldaǵan. Smık 15 jasta bolǵan. Ol demokrattardyń atynan túsken Hılları Klıntonǵa daýys bergenin jasyrmasa da, Donald Tramptyń ınaýgýratsııasyna qatyspaqshy. Smık saılanǵan prezıdentti AQSh-qa «beıbitshilik, medıtsınalyq kómek pen jańa jumys oryndaryn» alyp kelsin dep tileıtinin aıtty.
