91 metr qashyqtyqtan salǵan qaqpashynyń goly Gınnesstiń rekordtar kitabyna endi - VIDEO
ASTANA. QazAqparat - Anglııanyń «Stok Sıtı» fýtbol klýbynyń qaqpashysy Asmır Begovıchtiń goly «fýtbol tarıhyndaǵy eń uzaq qashyqtyqtan salynǵan gol» retinde Gınnesstiń rekordtar kitabyna resmı túrde endi, dep jazady massaget.kz.
2013 jyldyń qarashasynda «Saýtgempton» komandasymen kezdesýde oıynnyń 13-sekýndynda Asmır Begovıchtiń óz aıyp alańynan tepken doby qarsylastardyń qaqpasynan tabylady. Mamandardyń zertteýi boıynsha, Begovıchtiń goly qarsylastardyń qaqpasyna deıin 91,9 metr qashyqtyqtan salynǵan. Osylaısha fýtbol tarıhyndaǵy eń uzaq qashyqtyqtan salynǵan gol «Stok Sıtı» qaqpashysynyń atyna jazyldy.
Begovıch - Anglııa chempıonatynda gol salǵan besinshi qaqpashy. Bosnııalyq fýtbolshy Asmır Begovıch «Stok Sıtı» fýtbol klýbymen 2010 jyldyń 1 aqpanynda kelisimshartqa otyrǵan. Kelisimshart merzimi tórt jarym jyldy quraıdy.
