91 burynǵy «zakladchık» profılaktıkalyq jumystarǵa tartyldy – ІІM

ASTANA. KAZINFORM – QR Іshki ister mınıstrliginde esirtkige qatysty quqyq buzýshylyqtardyń profılaktıkasy boıynsha Keńestiń jumysy týraly málimet berildi. 

QR ІІM Esirtki qylmysyna qarsy is-qımyl komıtetiniń tóraǵasy Danııar Meırhan Ortalyq kommýnıkatsııalar qyzmetiniń baspasóz alańynda ótken dóńgelek ústel barysynda Keńes jumysynyń formaldi sıpatqa ıe emestigin atap ótti.

– Jumys formaldi sıpatta emes. Keńes músheleri naqty aldyn alý sharalaryna belsendi qatysyp jatyr, - dedi ol.

Sondaı-aq onyń aıtýynsha, Keńes quramyna Prezıdent janyndaǵy Jastar saıasaty máseleleri jónindegi keńes ókilderi, Qazaqstan halqy Assambleıasynyń músheleri, tanymal sportshylar men qoǵamdyq mańyzy bar medıa tulǵalar engen.

– Baǵdarlama aıasynda sottalǵandar suranysqa ıe mamandyqtar boıynsha oqytylyp, qamaý oryndarynda jáne bostandyqqa shyqqannan keıin jumyspen qamtylyp jatyr. Aldyn alý is-sharalaryna burynǵy «zakladchıkter» de tartyldy. Qazirgi tańda olardyń 91-i erikti retinde jastar arasynda eskertý jumystaryn júrgizip júr, - dep aıtty komıtet tóraǵasy.

Qazirgi ýaqytta profılaktıkalyq jumystarǵa 22 myń erikti qatysyp otyr. Buqaralyq aqparat quraldaryndaǵy jarııalanymdar sany 16 myńnan 25 myńǵa deıin, al ótkizilgen aktsııalar 15 myńnan 20 myńǵa deıin artqan. Maqsatty aýdıtorııany qamtý kórsetkishi 1 mıllıonnan 2,2 mıllıon adamǵa jetkenin Danııar Meırhan aıtyp berdi.

Buǵan deıin 2025 jyly elimizde qansha esirtki qylmysynyń joly kesilgenin jazǵanbyz.