900 otbasy soltústik óńirlerge kóshýge nıet bildirdi - OQO

ASTANA. QazAqparat - 2016 jylǵy 11 shildede Soltústik Qazaqstan oblysy Petropavl qalasynda Qazaqstan Respýblıkasynyń Premer-Mınıstri K.Másimovtiń qatysýymen «Jumyspen qamtý 2020 jol kartasy» baǵdarlamasy sheńberinde eńbek utqyrlyǵyn arttyrý boıynsha májilis ótti.

Májiliske Ońtústik Qazaqstannan oblys ákiminiń orynbasary U.Sádibekov qatysty.

Májiliste jumys kúshi mol óńirlerden eńbek resýrstaryn soltústik óńirlerine kóshirý máseleleri keńinen talqylandy, dep habarlaıdy OQO ákiminiń baspasóz qyzmeti.

Óz kezeginde U.Sádibekov atqarylǵan jumystar jóninde tanystyryp, Ońtústik Qazaqstan oblysynan soltústik óńirlerge qonys aýdarýǵa 900-ge jýyq otbasy nıet bildirse, jyl basynan beri 70-ten astam otbasy qonys aýdarǵanyn jetkizdi. Sonymen qatar, atalǵan jumystardy retteýge baǵyttalǵan zańnamalarǵa ózgerister engizý týraly usynystar aıtylyp, Qazaqstan Respýblıkasy Premer-Mınıstri tarapynan qoldaý taýyp, tıisti quzyrly organdarǵa normatıvtik-quqyq tyq aktilerdi ógerister engizý arqyly sáıkestendirý tapsyryldy.