900 myń spýtnıktik tabaqshany paıdalanýshy qazaqstandyqtar sandyq telearnalardy tamashalaı alady

Bul týraly búgin Elbasynyń qatysýymen Ulttyq spýtnıktik sandyq teleradıo taratylym jelisin resmı qosý barysynda QR Baılanys jáne aqparat mınıstri Asqar Jumaǵalıev aıtty.

«Qazirgi tańda basqa spýtnıkterge beıimdelgen 900 myń paıdalanýshy úshin biz ózimizdiń spýtnıkke beıimdelý múmkindigin usynamyz», - dep atap ótken mınıstrdiń sózine qaraǵanda, ol úshin tabaqshany baǵytyn buryp, qajetti beıimdeýlerdi júzege asyrý ǵana qajet.

Aıta keteıik, basqa spýtnıktik telebaǵdarlmalardy tamashalap otyrǵan abonentter qazaqstandyq spýtnıktik telebaǵdarlamalar toptamasyn kórýleri úshin DVB-S2 MPEG4, 8PSK standarttaryndaǵy jańa qabyldaǵysh ornatyp, Intelsat 904 spýtnıgine baǵyttalýy qajet.