900 metr bıiktikten qulaǵan 16 jastaǵy qyz aman qaldy
ASTANA. QazAqparat - AQSh-taǵy Djoshýa (Tehas shtaty) qalasynyń on alty jastaǵy turǵyny Makenzı Ýezıngton parashıýtpen sátsiz sekirgennen keıin aýrýhanaǵa tústi.
Seısenbi kúni jergilikti BAQ habarlaǵandaı, parashıýt ashylmaı, qyz 900 metr bıiktikten jerge qulaǵan. Abyroı bolǵanda Makenzı aman qaldy. Alaıda, jaraqattandy.
Oqıǵa ótken demalys kúnderi Chıkasha qalasynda (Oklahoma shtaty) bolǵan. Makenzıde ata-anasynyń parashıýtpen sekirýge ruqsat beretin qaǵazy bolǵan. Onymen qosa, qyzdan buryn onyń ákesi parashıýtpen sekirgen, dep habarlady ITAR-TASS.
"Pegas" sport ortalyǵynyń ıesi jáne nusqaýshysy Robert Sveınson aıtqandaı, Makenzıdiń parashıýty belgisiz sebeptermen ashylmaı qalyp, qyz qulaǵan. Sekirmes buryn, ol birneshe saǵat boıy nusqama alypty.
"Mundaı bıiktikten qulaǵan qyzdyń qalaı aman qalǵanyn túsinbeımin", - deıdi hırýrg Djeffrı Bender. Onyń aıtýynsha, Makenzıdiń qalypqa kelýine kem degende birneshe apta ýaqyt qajet.
