90 jastaǵy keıýanany qyzy men uly bir aı boıy qapasta ash ustaǵan
ASTANA. QazAqparat - Qytaıdyń ońtústik shyǵysyndaǵy Hýnan provıntsııasynda jaǵa ustatar oqıǵa oryn aldy. Zeınetker bir aıdan astam ýaqyt qamaýda bolǵan.
Ol osy ýaqyt aralyǵynda nár syzbaǵan kúnderi de bolǵan, dep habarlady Shanghaiist.
Sıaomın Tsýıdy qyzy men uly bólmege qamap tastap, taǵdyryn tálkek etken. Polıtsııanyń aıtýynsha, balalary ony baǵyp-qaǵýdan sharshap, ashtan óltirýge uıǵarǵan kórinedi.
Ashtan ólýden ony kórshileri saqtap qaldy. Áıeldi tamaq bermeı qamap tastaǵanyn sezgen olar terezeden oqtyn-oqtynda azyq-túlik tastap otyrǵan. Keıýananyń múshkil haline qatty alańdaǵan qytaılyqtar ǵalamtorǵa jaǵdaıdyń mán-jaıy baıandalǵan búrkenshik habarlama jibergen. Bul jarııalanym polıtseılerdi eleń etkizdi. Zeınetkerdiń esigin buzyp kirgen olar edende ábden aryǵan qarttyń jatqanyn kóredi.
Qazirgi ýaqytta ol aýrýhanada jatyr, al balalaryna adam ómirine qastandyq jasaý boıynsha aıyp taǵyldy.
