90 jastaǵy boksshy halyqaralyq týrnırdiń vıdeo-ańdatpasyna tústi
ASTANA. QazAqparat -Qazaqstannyń eńbek sińirgen bapkeri Rafael Vahıtov VIII halyqaralyq týrnırge atsalysýǵa shaqyratyn 13 sekýndtyq vıdeo jazbaǵa tústi, dep habarlaıdy pavlodarnews.kz.
Beıne jazbada 2-6 sáýir aralyǵynda «Avtomobılıst» sport kesheninde ótetin saıys jóninde aıtylady. Aýqymdy boks týrnıri belgili pavlodarlyq Rafael Vahıtovtiń júldesi úshin ótedi. Bıyl ardager boksshy 90 jasqa kelip otyr.
Onyń bapkerlik mansaby UOS kezinen bastalǵan. Rafael Vahıtov maıdanda mashınıst bolyp júrip polktik komandany jattyqtyrǵan. Jyl ótkennen keıin sportshy bastaǵan isin tastamaı, birneshe aǵymdaǵy chempıondar tolqynyn ósirdi.
Vahıtovtiń júldesi úshin ótetin halyqaralyq týrnırge jyl saıyn Qazaqstannyń barlyq óńirlerimen qosa, ózge memleketterden de qatysýshylar sany artýda. Búgingi tańda uıymdastyrýshylarǵa 120-ǵa jýyq ótinish kelip túsken. Olardyń arasynda Qazaqstan, Qyrǵyzstan, Reseı, Ýkraına, Monǵolııa, Ózbekstan jáne Serbııa sport klýbtary bar.
«Tirkeý áli jalǵasýda. Sondyqtan qatysýshylar sany kez kelgen ýaqytta kúrt ósýi múmkin. Mysaly, Ótken jyly bul saıysqa 80-ge jýyq sportshy kelgen», - dedi «Ertis» boks klýbynyń dırektory Batyrhan Qalyqov.
Batyrhan Qalyqovtyń aıtýynsha, atalmysh týrnır Pavlodarda 2009 jyldan bastap ótkizilip keledi.
Týrnır AIBA erejelerine sáıkes ótkiziledi. Rıngte 18 jastan joǵary sportshylar 10 salmaq dárejesi boıynsha judyryqtasady.
