90 myń kásipker salyqtyq raqymshylyqqa ilindi - Qarjy mınıstri

ASTANA. QazAqparat - Qarjy mınıstrligi bıznestiń 130 mlrd teńge ósimaqy men aıyppulyn joıady. Bul týraly búgin Úkimet úıinde ótken baspasóz máslıhatynda QR Qarjy mınıstri Álıhan Smaıylov aıtty, dep habarlaıdy QazAqparat tilshisi.

Mınıstrdiń aıtýynsha, salyqtyq raqymshylyq aıasynda 2018 jylǵy 1 qazandaǵy jaǵdaı boıynsha, bereshek tólengen jaǵdaıda salyq tóleýshilerdiń derbes shottarynda eseptelgen ósimpuldar men aıyppuldar joıylady.

«Búgingi tańda 28 myń salyq tóleýshi 5,9 mlrd teńgeden astam bereshegin ótegen. Tıisinshe, 1,1 mlrd teńge ósim jáne 100 mln teńge aıyppul esepten shyǵarýǵa jatady»,- dedi ol.

Jalpy, onyń dereginshe, salyqtyq raqymshylyqqa 210 mlrd teńge boryshy bar shamamen 90 myń shaǵyn jáne orta bıznes sýbektileriniń salyq tóleýshisi ilingen.

«Bul boryshtar tólengen kezde Qarjy mınıstrligi 130 mlrd teńge ósimaqy men aıyppuldy alyp tastaıdy»,- dedi Á.Smaıylov.