90 myńnan astam aýyl turǵyny «Salamatty Qazaqstan» poıyzynan medıtsınalyq kómek aldy

ASTANA. KAZINFORM — QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen «Samuryq-Qazyna» jáne Densaýlyq saqtaý mınıstrligi «Salamatty Qazaqstan» poıyzy jobasyn iske asyryp jatyr. 

Joba eń aldymen shalǵaı aýdandar men aýyldarda turatyn azamattardy tekserýge jáne medıtsınalyq, psıhologııalyq, quqyqtyq jáne medıatıvtik kómek kórsetýge baǵyttalǵan.

«Byltyr 26 sáýir men 5 jeltoqsan aralyǵynda poıyz 17 aımaqtyń 121 shalǵaı stantsııasymen júrdi. 90 myńnan astam aýyl turǵyny qamtyldy», - dedi QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Lázzat Súleımen OKQ alańynda ótken baspasóz konferentsııasynda.