90% mektepte ınklıýzıvti bilim alýǵa jaǵdaı jasalǵan

ASTANA. KAZINFORM — Elimizde arnaıy bilim berý uıymdarynyń jelisi jyl saıyn kóbeıip keledi. Mektepterdiń 86%-dan astamy ınklıýzıvti bilim alýǵa jaǵdaı jasaǵan. Bul týraly QR Oqý-aǵartý mınıstrligi málimdedi.

Balalardy oqý-tárbıe protsesinde súıemeldeý úshin pedagog-assıstent shtaty engizildi. Qazir olardyń sany 2,5 myńnan asty.

«Oqý-aǵartý mınıstrligi «Dara» qorymen birlesip 0-den 3 jasqa deıingi balalarǵa arnalǵan «Erte qoldaý» jobasyn iske asyrýda. Búginde elimizde erekshe bilim berýdi qajet etetin 200 myńnan astam bala bar. 500-ge jýyq bilim berý uıymy erekshe bilim berýdi qajet etetin balalarǵa túzetý-bilim berý qyzmetterin kórsetip keledi. Sondaı-aq 1051 mektepte ınklıýzıvti bilim berýdi qoldaý kabınetteri jumys jasaıdy», – deıdi ınklıýzıvti jáne arnaıy bilim berý departamentiniń dırektory Laýra Býtabaeva.

2019 jyldan bastap arnaıy bilim berý uıymdarynyń jelisi 83 birlikke, al erekshe bilim berý qajettilikteri bar balalardy qamtý 20%-dan astamǵa ulǵaıdy. Búgingi tańda balalardyń 76%-y arnaıy psıhologııalyq-pedagogıkalyq qoldaýmen qamtylǵan.