Ulttyq bank halyq nesıesiniń ósýin tejeý úshin jańa sharalardy qarastyryp jatyr
ASTANA. KAZINFORM — Elimizde halyqtyń shamadan tys qaryz alýyn shekteý sharalaryn kúsheıedi. Bul týraly Ulttyq bank tóraǵasy Tımýr Súleımenovtiń basshylyǵymen Qarjylyq turaqtylyq jónindegi keńestiń kezekti otyrysynda málim boldy.
Keńes Ulttyq bank daıyndaǵan 2025 jylǵy qarjylyq turaqtylyq týraly eseptiń negizgi tujyrymdaryn qarady.
Sondaı-aq keńes kezinde halyqtyń shamadan tys kredıt alýyn azaıtýǵa baǵyttalǵan sharalar da qarastyryldy.
Ulttyq banktiń málimetinshe, halyqtyń shamadan tys qaryz alýyn shekteý úshin qabyldanǵan sharalardyń nátıjesinde tutynýshylyq kredıtterdiń ósý qarqyny baıaýlaǵan. Bul sharalardyń qatarynda bankter úshin kapıtaldyń arnaıy býferin engizý, qaryz júktemesin esepteý tártibin jetildirý, kepilsiz banktik qaryzdar men mıkrokredıtterdiń eń joǵary mólsherin belgileý, sondaı-aq 90 kúnnen astam merzimi ótken bereshegi bar azamattarǵa kepilsiz tutynýshylyq nesıe berýge tyıym salý bar.
— Bólshek kredıtteý naryǵyndaǵy jaǵdaıǵa monıtorıng jalǵasady. Qaryz túrleri (avtokredıtteý, ıpoteka, kepilsiz qaryzdar) boıynsha qaryz alýshynyń kirisine qatysty borysh koeffıtsıentine monıtorıng júrgiziledi, sondaı-aq shekti mánder belgilenbeı, qaryz alýshylardyń jıyntyq bereshegine monıtorıng jalǵasady. Qajet bolǵanda, bólshek kredıtteý segmentinde táýekelder artqan jaǵdaıda, Ulttyq bank qaryzdyń jekelegen túrleri jáne jıyntyq bereshek boıynsha KBK-niń saralanǵan shekti mánderin belgileý máselesin qaraýy múmkin, — dep habarlady Ulttyq banktiń baspasóz qyzmeti.
Eske salaıyq, buǵan deıin elimizde endi qıyndyq týdyratyn nesıelerdiń tólemin azaıtýǵa bolatynyn habarlaǵanbyz.
