90 kólik «Qazyǵurt» keden beketinde kidirýge májbúr boldy
ASTANA. QazAqparat - Ózbekstanǵa ótýge kelgen 90 avtokólik quraldary «Qazyǵurt» keden beketinde kezek kútýde, dep habarlaıdy QazAqparat . QR QM Memlekettik kirister komıtetiniń baspasóz qyzmetine silteme jasap.
«12 naýryzda shamamen saǵat 10.00-de Túrkistan oblysy boıynsha MKD-niń «Qazyǵurt» keden beketinde, taýarlardy eksporttaý kezinde olardyń ketýin rastaý bóliginde «ASTANA-1» AJ ishinara jumys jasaǵan joq. Modýldiń jumys jasamaýyna baılanys jelisiniń turaqty iske qosylmaýy sebep boldy.
Osyǵan baılanysty, 12.03.2019 jylǵy saǵat 18.00-de ótkizý pýnktiniń aldynda 180 avtokólik quraldary toptalyp qaldy.
Saǵat 18.30-den bastap aqparattyq júıe shtattyq rejimde jumys isteı bastady.
Keptelisti azaıtý úshin ótkizý pýnktinde qosymsha qyzmetkerler kómekke keldi jáne shyǵý baǵytynda avtokólik quraldarynan 167-den astamy rásimdeldi. Tasymaldaýshylarmen konsýltatıvtik jumystar júrgizildi jáne basqa da keptelisi joq ótkizý pýnktterinen ótýge jiberý júzege asyryldy.
13.03.2019 jylǵy saǵat 16.00-degi jaǵdaı boıynsha Ózbekstanǵa ótýge kelgen avtokólikterdi eskere otyryp, 90 avtokólik quraldary kezek kútýde.
Kezekterdi boldyrmaý maqsatynda 2018 jylǵy qarashadan kún saıyn saǵat 9.00-den bastap jáne saǵat 21.00-de tasymaldaý baǵytyn tańdaý úshin ótkizý pýnktteri aldynda turǵan kólik quraldarynyń sany týraly aqparattar Túrkistan oblysy boıynsha MKD-niń saıtynda jáne áleýmettik jelilerde ornalastyrylady.
Sondaı-aq, qazirgi ýaqytta Indýstrııa jáne ınfraqurylymdyq damý mınıstrligi men Túrkistan oblysynyń ákimshiligi birlesip tasymaldaýshylarǵa yńǵaıly bolýy úshin osyǵan uqsas keptelister týyndaǵan kezde ótkizý pýnktterine jaqyn turaqtar uıymdastyrý jáne jaılastyrý máselesi pysyqtalýda.
