9 jylda elimizge 184 mlrd. dollar tikeleı sheteldik ınvestıtsııalar tartyldy - Á. Isekeshev
ASTANA. QazAqparat -Álemdik ekonomıka boıynsha tikeleı sheteldik ınvestıtsııanyń quldyraý úderisi oryn alyp otyr. Máselen, 2007 jyly álemde 2 trln. dollarǵa jetetin tikeleı ınvestıtsııalar bolsa, 2012 jyly 1,3 trln. dollar qaldy. 2013 jyly jaǵdaı túbegeıli ózgere qoıǵan joq. Búgin Úkimet otyrysynyń qorytyndylaryna arnalǵan Ortalyq kommýnıkatsııalar qyzmetindegi brıfıng barysynda QR Premer-mınıstriniń orynbasary-Indýstrııa jáne jańa tehnologııalar mınıstri Áset Isekeshev osylaı málim etti.
«Bul tikeleı sheteldik ınvestıtsııaǵa qatysty jaǵdaı damýshy elderge de, damyǵan elderge de qatysty. Sonyń ishinde BRIK, Qytaı men Reseı sekildi bizdiń kórshilerimiz de sheteldik ınvestıtsııanyń turalaýyn bastan keship otyr, sonyń ishinde sońǵy on jyldaǵy eń tómengi kórsetkish qalyptasty», - dedi Á. Isekeshev. Mınıstrdiń aıtýynsha, Elbasynyń ınvestorlardy yntalandyrýǵa qatysty saıasatynyń arqasynda Qazaqstan sońǵy málimetter boıynsha sheteldik ınvestorlar úshin tartymdylyǵy jaǵynan aldyńǵy 20 eldiń qataryna enedi. Sonymen qatar, Dúnıejúzilik ekonomıkalyq forýmnyń jáne Dúnıejúzilik banktiń reıtıngi boıynsha Qazaqstan ınvestıtsııa tartýda óńirdegi kóshbasshylyqty saqtap tur. «2005 jyldan bastap elimizge 184 mlrd. dollar tikeleı sheteldik ınvestıtsııalar tartyldy. Onyń ishinde 55 paıyzy, ıaǵnı 100 mlrd. dollardan astamy sońǵy tórt jyldyń enshisine tıedi», - dedi Á. Isekeshev.
