9 jyldan beri halyqaralyq izdeýde júrgen kúdikti Kentaý qalasynda ustaldy
9 jyldan beri halyqaralyq izdeýde júrgen kúdikti Kentaý qalasynda ustaldy, dep habarlaıdy Kazinform.
Polıtseıler 31 jastaǵy er adamdy ýaqytsha ustaý ızolıatoryna qamady. Oqıǵanyń barlyq mán-jaıy anyqtalyp jatyr. Qazirgi tańda ony ekstradıtsııalaý máselesi talqylanyp jatyr.
«Kúdikti dep tanylǵan Reseı azamatyna esirtkini zańsyz saqtaý qylmysy úshin 2014 jyly izdeý jarııalanǵan bolatyn. Jedel-izdestirý is-sharalary barysynda Kentaý qalalyq polıtsııa bóliminiń krımınaldyq polıtsııa qyzmetkerleri qylmyskerdiń ornalasqan jerin anyqtady. Sodan jedel ýákilderdiń júıeli júrgizgen áreketteriniń arqasynda er adam Kentaý qalasyndaǵy páterlerdiń birinen ustaldy», - delingen Túrkistan oblysy polıtsııa departamentiniń baspasóz qyzmeti taratqan aqparatta.
Foto: Túrkistan oblysy PD
