9 jeltoqsan - mańyzdy oqıǵalar kúntizbesi
ASTANA. QazAqparat - 9 jeltoqsanda Astana men Almatyda birqatar sharalar ótedi. «QazAqparat» Halyqaralyq aqparat agenttigi mańyzdy oqıǵalardyń tizbesin usynady.
Tańǵy saǵat 10.00-de Astanadaǵy «Saryarqa» fıtnes ortalyǵynda sýda júzýden balalar arasyndaǵy «Jas delfın» atty jarys ótedi. Atalǵan shara Táýelsizdik kúnine arnalyp otyr.
Týra osy ýaqytta Oqýshylar saraıynda Dota 2 kıbersport oıyny boıynsha alǵash ret «Independence Cup» - «Táýelsizdik kýbogy» chempıonaty uıymdastyrylady. Oǵan qala mektepteriniń oqýshylary qatysady.
Al Forte bank-tiń (Dostyq kóshesi, 8/1) bas keńsesinde «IoT Networking Day» konferentsııasy ótedi. Atalǵan sharaǵa Astana qalasynyń ákimi Áset Isekeshev, sondaı-aq memlekettik organdar men telekommýnıkatsııalyq kompanııalardyń ókilderi qatysady. Konferentsııa májilisi de saǵat 10.00-de bastalady.
11:00-de Qazaq ulttyq óner ýnıversıtetinde «Daryn» memlekettik syılyǵynyń laýreattaryna qurmet kórsetý saltanaty ótedi.
11:30 QR Ulttyq mýzeıinde (Táýelsizdik dańǵyly, 54,2) «Qazaqstannyń ulttyq geografııa qoǵamy» RQB men Orys geografııa qoǵamynyń birlesken fotokórmesi ashylady. Taqyryby - «Eń ádemi memleket». Sol jerde konkýrs jeńimpazdary da marapattalady.
Al keshki saǵat 19:00-de «Radisson Hotel Astana» qonaq úıinde H mereıtoılyq Qysqy qaıyrymdylyq baly ótedi.
Almatyda Halyqaralyq áýesqoı grepplıng qaýymdastyǵynyń quryltaıshylar kongresi ótedi. Uıymdy qazaqstandyq jáne sheteldik grepplıng federatsııalary quryp otyr. Májiliske ADCC (Abu Dhabi Combat Club) de qatysady. Atalǵan qurylym greplıngti kásibı deńgeıde damytýmen aınalysady.
