9 jastaǵy nıderlandylyq výnderkınd ýnıversıtet dıplomyn alǵan eń jas túlek atanbaq
AMSTERDAM. QazAqparat - 9 jastaǵy nıderlandylyq výnderkınd Loran Sımons birneshe aıdan soń Eındhovendegi Tehnıkalyq ýnıversıtetti támamdaıdy. Osylaısha ol joǵary oqý ornynyń dıplomyn alǵan eń jas túlek atanbaq, dep jazady VVS.
Ázirshe bul ataq 10 jasynda Alabama ýnıversıtetin bitirgen amerıkalyq Maıkl Karnıge tıesili.
Loran Sımons elektrotehnıka fakýltetinde oqıdy. Ýnıversıtetke ol nebary bir jyl buryn túsken. Al oǵan deıin orta jáne joǵary synyp oqýshylary meńgerýi tıis alty jyldyq bilim baǵdarlamasyn 1,5 jyl ishinde meńgerip, 8 jasynda orta bilim alǵany jóninde attestatqa qol jetkizgen.
Jazǵy demalystan keıin ol ýnıversıtette bilimin jalǵastyrdy. Munda da jas talant oqý baǵdarlamasyn ózimen bir topta oqıtyn stýdentterden jyldamyraq meńgerip ketti.
Balanyń IQ-i — 145, ol keremet este saqtaý qabiletine ıe. Lorannyń aıtýynsha, onyń súıikti páni — matematıka, sebebi ol statıstıka, geometrııa jáne algebrany qamtıty.
Zeıindi jas bolashaqta kardıohırýrg bolǵysy keledi. Ol mektepte oqyp júrgen kezinde Amsterdam ýnıversıteti medıtsınalyq fakýltetiniń medıtsına kýrsyn oqyp alǵan eken.
Lorannyń anasy Belgııada týǵan, al ákesi gollandııalyq azamat. Ózi Belgııada ómirge kelgen. Qazir otbasymen Nıderlandyda turady.
