9 jasar japon balasy matematıkadan JOO-ǵa arnalǵan test tapsyryp, rekord ornatty
TOKIO. QazAqparat – Japonııanyń shyǵysyndaǵy 9 jasar ul kolledj túlekteri tapsyratyn testileýden ótti. Test uıymdastyrýshylarynyń aıtýynsha, ol tapsyrmanyń barlyǵyn oryndaǵan eń jas test qatysýshysy bolǵan, dep habarlaıdy QazAqparat Kyodo News-ke silteme jasap.
Hego prefektýrasy Nısınomıı qalasyndaǵy bastaýysh mekteptiń 4-synyp oqýshysy Shogo Ando (Shogo Ando) osy jyldyń qazanynda Sýgaký kenteı testiniń alǵashqy kıý test joǵary deńgeıin tapsyrǵan. Ando Hıroto Takahası (Hiroto Takahashi) ornatqan rekordty jańartqan. Ol bul testti 11 jasynda tapsyrǵan bolatyn.
Ando testileýge jeti jasynan daıyndalǵan. Balanyń aıtýynsha, ol matematıkadan alǵan bilimin qoǵam damýyna jumsap, jahandyq jylynýdy tómendetý sekildi zertteýler júrgizgisi keledi.
Sýgaký kenteı testi 14 deńgeıden turady. Olardyń árqaısysy kúrdeli jáne bilimdi qajet etedi. Eń jeńil 14-shi kezeńdi mektepke deıingi balalar tapsyrady. Jyl saıyn 350 000 adam osy testti tapsyrady. Alǵashqy kıý testte túrli pánder qamtylǵan. 1-shi kıý testtiń sońǵy kezeńindegi ótý baly 14,4 protsentti quraıdy.
