9 jasar qyzdy zorlamaq bolǵan pedofıl qolǵa tústi
ASTANA. 7 qyrkúıek. QazAqparat /Marlan Jıembaı/ - Almaty qalasynyń polıtseıleri 9 jasar qyzdy zorlamaqshy bolǵan 30 jastaǵy jergilikti turǵyndy qolǵa túsirdi.
Bul týraly búgin QR Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.
Onyń atap ótýinshe, sol kúni qyzdyń ógeı ákesiniń tanysymen birge ishimdik ishkeni anyqtalǵan. Ógeı áke uıyqtap qalǵan kezdi paıdalanǵan kúdikti qyzdy qorqytyp, ıen dalaǵa alyp baryp, zorlamaqshy bolǵan. Abyroı bolǵanda, onyń qolynan sytylyp shyqqan qyz qashyp úlgirgen.
«Jedel izdestirý is-sharalaryn ótkizý barysynda kúdikti ustalyp, ýaqytsha oqshaýlaý ornyna qamaldy. Atalǵan fakti boıynsha qylmystyq is qozǵalyp, tergeý amaldary júrgizilýde», - dedi ol.
