9 jasar qyz abaısyzda nusqaýshysyn atyp aldy
ASTANA. QazAqparat - Amerıkanyń Arızona shtatynda 9 jasar qyz abaısyzda nusqaýshyny atyp aldy. Nusqaýshy qyzǵa avtomatty qarýdy paıdalanýdy úıretip jatqan bolatyn.
Qyz "Ýzı" pıstolet-pýlemetin qolǵa alyp, nysanaǵa oq jaýdyra bastaǵan. Alaıda birinshi oqty atqannan soń-aq qarýǵa ıe bola almaı, kelesi oqtar nusqaýshyǵa daryǵan.
39 jastaǵy Charlz Vakka tikushaqpen dereý aýrýhanaǵa jetkizildi. Alaıda basyndaǵy jaraqatynyń saldarynan qaza tapty.
Atys alańyna qyzdy ata-anasy ákelgen. Olar bolǵan jaǵdaıǵa kýá bolǵan.
Amerıka shtattarynyń kóbinde balalardy kishkentaı kezinen qarýdy paıdalanýǵa úıretedi. Alaıda qaýipsizdik sharalarynyń qatań saqtalýy mundaı oqıǵalardyń bolýyna jol bermeıdi.
