9 jasar qazaqstandyq qyz «Balalar Jańa Tolqyny» halyqaralyq baıqaýynda kórermen kózaıymy syılyǵyna ıe boldy
ASTANA. QazAqparat - 9 jasar qazaqstandyq Danelııa Túleshova 11-13 tamyz kúnderi «Artek» HBO-da ótken «Balalar Jańa Tolqyny» halyqaralyq baıqaýynda kórermen kózaıymy syılyǵyna ıe boldy, dep habarlady baıqaýdyń baspasóz qyzmetine siltememen RIA Novostı.
Bul atalymnyń jeńimpazy kontsert zalynda ótken daýys berý nátıjesinde, sondaı-aq baıqaýdyń web-saıtynda ınteraktıvti rejımde berilgen daýystardy esepke alý arqyly belgili boldy.
«Balalar Jańa Tolqyny» halyqaralyq baıqaýynda birinshi oryndy Maltanyń kishkentaı ókili, 12 jasar Gaııa Kaýchı ıelengen. Ekinshi oryndy bolgarııalyq 11 jasar Krısııa Todorova men reseılik «Dıkıe gıtary» dýeti ózara bólisti. Bul dýettiń quramynda toǵyz jasar Olek Serıkov pen alty jasar Gena Pereverdıev bar. Qazylar alqasy úshinshi oryndy Armenııanyń jas talanty Merı Kocharıanǵa berdi.
Baıqaý júldegerlerine syılyqtardy Igor Krýtoıdyń tóraǵalyǵymen festıvaldiń qazylar alqasynyń músheleri men «Artek» HBO-nyń bas dırektory Alekseı Kasprjak tabystady.
Baspasóz qyzmetiniń habarlaýynsha, aqtyq gala-kontsertinde kórermenderdiń aldynda Reseı estradasynyń juldyzdary Fılıpp Kırkorov, Aleksandr Rybak, Jasmın, Vlad Sokolovskıı, Sergeı Lazarev óner kórsetti.
