9 jasar qazaqstandyq ánshi Qyrǵyzstanda jeńimpaz atandy

NUR-SULTAN. QazAqparat – Qyrǵyzstanda ótken «KGtaı» óner festıvalinde 9 jasar qazaqstandyq ánshi Nurjaına Taýbaldy jeńiske jetti, dep habarlaıdy QazAqparat tilshisi.

Arqalyq qalalyq mádenıet bóliminiń dereginshe, Nurjaına birneshe eldiń ónerpazdary qatysqan saıysta «Vokal» nomınatsııasy boıynsha 1-orynǵa ıe bolǵan.

Nurjaına Taýbaldy - Arqalyq qalasynda týǵan. Búginde ol qalalyq mádenıet úıiniń janynan qurylǵan «Іnjý-Marjan» tobynyń múshesi. Kishkentaı ónerpaz buǵan deıin halyqaralyq jáne respýblıkalyq deńgeıdegi konkýrstarǵa qatysyp, júldeger atanǵan. Al, byltyr halyqaralyq «Altyn mıkrafon-2021» balalar án baıqaýynda ІІІ oryn alǵan.

Eske sala keteıik, buǵan deıin 12 jastaǵy Álınur Hamzın Slavıan bazary-2022 halyqaralyq balalar mýzykalyq baıqaýynda laýreat atanǵanyn jazyp edik.