9 jasar aqmolalyq Sabına Qaırat «Álemniń kishkentaı arýy» atandy
KÓKShETAÝ. QazAqparat - 9 jasar Kókshetaý turǵyny Sabına Qaırat «Álemniń kishkentaı arýy» atandy, dep habarlaıdy QazAqparat.
Túrkııada ótken halyqaralyq «Universe Beauty-2019» ádemilik jáne daryndylar festıvaline aqmolalyq Sabına Qaırat jáne onyń 5 jastaǵy inisi Dinmuhammed qatysty.
Balalar ótken jyly «Birinshi Azııa vıtse-arýy» jáne «Qazaqstannyń kishkentaı mısteri» atanǵan soń osy konkýrsqa qatysýǵa sertıfıkat alǵan edi.
«Sabına sahnaǵa ulttyq kıimmen shyqty, daryndylar shoýyna, sondaı-aq dızaınerlik kórsetilimderge qatysty. Ol Kókshetaýdaǵy «Reverans» klýbynda sporttyq bal bılerimen aınalysady. Sodan da bolar, jankúıerlerge «Rýmba» jáne «Samba» bılerin kórsetti»,-deıdi búldirshinderdiń anasy Leıla Rahımova.
9-10 jas dárejesinde Sabına «Mini Miss Universe» («Álemniń kishkentaı arýy») tıtýlynyń jeńimpazy atandy, sondaı-aq úzdik bıi úshin dıplom enshiledi.
5 jasar Dinmuhammed Qaırat «Best photomodel Universy Beauty» tıtýlynyń ıegeri atandy. Onyń da bıi úzdik bolyp moıyndaldy.
Analarynyń aıtýynsha, jas jeńimpazdar endi maýsymda Vıacheslav Zaıtsevtiń konkýrsyna, al kúzde Per Kardenge - Parıjge shaqyrtý alǵan.
Avtory: Oksana Matasova
