9 jambyldyq esirtki satýshy 10 jyldan 17 jylǵa deıin bas bostandyǵynan aıyryldy
Sottalýshylar 10 jyldan 17 jylǵa deıin uzaq merzimge bas bostandyǵynan aıyrý jazasyna kesildi.
Esterińizge sala ketsek, 2019 jyldyń qańtar aıynda PD Krımınaldyq polıtsııa basqarmasynyń qyzmetkerleri Jambyl oblysy boıynsha UQK-men birlesip, Qyrǵyzstannan Qazaqstanǵa asa iri kólemde «marıhýana» esirtki zatyn tasymaldaýmen aınalysqan uıymdasqan adamdar tobyn áshkerelep, ustaǵan bolatyn.
– Jambyl oblysy aýmaǵynda jáne Nur-Sultan qalasynda jalpy jedel-izdestirý is-sharalarynyń nátıjesinde Jambyl oblysynyń PD qyzmetkerleri toǵyz kúdiktini ustady. Keıingi tintý sharalary barysynda ustalǵandardan jalpy salmaǵy 100 keli marıhýana esirtki zaty tabyldy. Tergeý nátıjesinde top basshylary men músheleri aldyn ala kelisim boıynsha shekarada marıhýanany qabyldap, satyp alyp otyrǵandyǵy anyqtaldy, budan soń keıinnen ony neǵurlym tıimdi baǵamen satý úshin Nur-Sultan qalasyna jiberip otyrǵan. Qazirgi ýaqytta barlyq sotty bolǵandar jazasyn ótep jatyr. Eseptik kezeńde oblys boıynsha barlyǵy 508 qylmystyq quqyq buzýshylyq, onyń ishinde 85 ótkizý deregi, 46 asa iri kólemde esirtkini saqtaý deregi, úsh kontrabanda deregi jáne 26 quramynda esirtki bar ósimdikterdi ósirý deregi tirkeldi. Zańsyz aınalymnan 2,5 tonnadan astam túrli esirtki zattary, onyń ishinde 1,5 keli geroın, 55 keli gashısh jáne 2,5 keliden astam sıntetıkalyq esirtki zattary tárkilendi. Atalǵan jumys PD basshylyǵynyń erekshe baqylaýynda, – dep málimdedi Jambyl oblysy PD bastyǵynyń orynbasary Nurjan Qalmetov.