9 túrkistandyq shetelden ákelgen kóligin zańdastyrdy

TÚRKІSTAN. QazAqparat – 23 qańtar kúni Túrkistan oblysynda 9 adam shetelden ákelgen kóligin zańdastyryp, jańa nómir aldy, dep habarlaıdy QazAqparat tilshisi.

Túrkistan oblystyq Polıtsııa departamentinen málim etkendeı, birrettik aktsııanyń alǵashqy kúninde talapqa saı kelgen 9 kólik barlyq tekserýden ótip, memlekettik nómir berildi.

Tirkeýden ótken avtomashınalardyń jeteýi – Reseı Federatsııasynan, ekeýi Armenııadan ákelingen. Kólikterdiń altaýynyń markasy – Nexia.

Jalpy tańerteńnen keshke deıin Túrkistan oblysyndaǵy mamandandyrylǵan Halyqqa qyzmet kórsetý ortalyǵyna 150-den astam azamat ótinish bergen.

Aıta keteıik, Túrkistan oblysynda sheteldik kólikterdi zańdastyrý 5 jerde júrgizilip jatyr - Túrkistan qalasyndaǵy jáne Maqtaaral, Ordabasy, Saıram, Saryaǵash aýdandaryndaǵy mamandandyrylǵan HQO-larda.

Foto: Túrkistan oblystyq Polıtsııa departamenti