9 tamyzda respýblıkanyń kóptegen bóliginde kún qatty ysıdy, jaýyn-shashynsyz aýa raıy bolady
ASTANA. 8 tamyz. QazAqparat - QR Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 2012 jyldyń 9 tamyzynda respýblıkanyń kóptegen aımaqtarynda jaýyn-shashynsyz aýa raıy kútiledi.
Qazaqstannyń shyǵysy men ońtústik-shyǵysynda ǵana frontaldyq bólikterdiń ótýimen keıbir jerlerde ótkinshi jańbyrlar jaýyp, naızaǵaı oınaıdy, jel kúsheıedi.
Almaty, Shyǵys Qazaqstan oblystarynda, kúndiz Jambyl, Ońtústik Qazaqstan oblystarynda keıbir jerlerde jeldiń jyldamdyǵy 15-20 m/s-qa deıin kúsheıedi.
Qyzylorda, Atyraý oblystarynda keıbir jerlerde 15-20 m/s jyldamdyqpen jel soǵyp, shańdy daýyl bolýy yqtımal.
Soltústik Qazaqstan oblysynda túnde jáne tańerteń keıbir jerlerde tuman bolady.
Jambyl, Qyzylorda, Mańǵystaý oblystarynda, Ońtústik Qazaqstan, Almaty, Qostanaı, Qaraǵandy oblystarynyń keıbir jerlerinde kúndiz kún qatty ysıdy.
Atyraý oblysynda, Batys Qazaqstan, Aqtóbe, Qyzylorda, Ońtústik Qazaqstan, Jambyl, Almaty, Pavlodar, Shyǵys Qazaqstan oblystarynyń keıbir jerlerinde tótenshe joǵary órt qaýiptiligi saqtalady.
