9 tamyzda respýblıkanyń basym bóliginde jel kúsheıedi dep kútilýde
ASTANA. 8 tamyz. QazAqparat - Respýblıkanyń basym bóliginde atmosferalyq aǵyndardyń ótýine baılanysty keı jerlerde naızaǵaı jarqyldap, jańbyr jaýady, jel kúsheıedi.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Pavlodar, Batys Qazaqstan, Soltústik Qazaqstan, Jambyl oblystarynda, kúndiz Qostanaı, Aqmola, Almaty, Ońtústik Qazaqstan, Qyzylorda, Atyraý oblystarynda keı jerlerde jel 15-20 m/s-qa kúsheıedi dep kútilýde, Qostanaı, Pavlodar oblystarynda - túnde jáne tańerteń keı jerlerde tuman túsedi.
Shyǵys Qazaqstan, Qaraǵandy oblystarynda keı jerlerde jel 15-20 m/s-qa kúsheıedi dep kútilýde, kúndiz keı jerlerdi burshaq jaýýy múmkin.
Mańǵystaý oblysynda túnde jáne tańerteń keı jerlerde tuman túsedi.
Respýblıkanyń ońtústiginde, ońtústik-shyǵysynda jáne ortalyǵynda tótenshe joǵary órt qaýpi saqtalady.
