9 tamyzda elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 9 tamyz kúni Nur-Sultanda ótetin mańyzdy sharalar ańdatpasyn usynady.
10.00-de Úkimet úıinde Úkimet otyrysy ótedi.
Kún tártibinde «Bilimdi ult» sapaly bilim berý» ulttyq jobasyn iske asyrý barysy, 2022 jyldyń І jartyjyldyǵy boıynsha ortalyq jáne jergilikti atqarýshy organ basshylarynyń halyqpen kezdesýleriniń qorytyndysy.
Translıatsııa PrimeMinister.kz saıtynda, YouTube resmı arnasynda, Facebook, Twitter, VKontakte áleýmettik jelilerinde, sondaı-aq Qazaqstan Úkimeti Telegram-kanalynda júredi.
11.00-de Esil aýdanynyń polıtsııa basqarmasynda elordada qoǵamdyq tártipti saqtaý jáne «Ýchaske» jedel-aldyn alý sharasyn ótkizý barysy týraly brıfıng ótedi.
Spıkerler: Nur-Sultan qalasy polıtsııa departamenti bastyǵynyń birinshi orynbasary Baqytjan Malybaev.
12.00-de QR Prezıdenti janyndaǵy Ortalyq kommýnıkatsııalar qyzmetinde «UOS ardagerleri men tyl eńbekkerlerine qamqorlyq: eriktiler kómegi jáne jyl boıy poıyzben tegin júrý» atty baspasóz máslıhaty ótedi.
Spıkerler: «Samruk-Kazyna Trust» áleýmettik jobalardy damytý qorynyń bas dırektory Adıeva Alfııa Dáýletqalıqyzy; «Ulttyq volonterlik jeli» qaýymdastyǵy túrindegi zańdy tulǵalar birlestiginiń atqarýshy dırektory Mıronıýk Tatıana Aleksandrovna.
Kórsetilim siltemeleri: youtube , facebook .
19.00-de Asia Park Astana saýda-oıyn-saýyq ortalyǵynda «Samýraı ıt jáne mysyqtar qalasy» anımatsııalyq fılminiń tusaýkeseri ótedi.
