9 tamyz aýa raıy boljamy: Respýblıkanyń basym aýmaǵy jaýyn-shashynsyz, al shyǵysta jańbyr jaýyp, naızaǵaı oınaıdy, ekpindete jel soǵady
ASTANA. 8 tamyz. QazAqparat - Qazaqstannyń basym aýmaǵyna antıtsıklon taralyp, aýa raıy jaýyn-shashynsyz bolady.
Al respýblıkanyń shyǵys bóliginde aýa aǵyndarynyń júrýine baılanysty jańbyr jaýyp, naızaǵaı oınaıdy, ekpindete jel soǵady, dep habarlady QR TJM baspasóz qyzmeti Qazgıdromet málimetterine silteme jasap.
Shyǵys Qazaqstan, Almaty, Jambyl, Ońtústik Qazaqstan oblystarynyń keı jerlerinde jel jyldamdyǵy sekýndyna 15-22 metrge jetedi. Soltústik Qazaqstan men Aqmola oblystarynda túnde jáne tańerteń tuman túsedi.
Respýblıkanyń ońtústigi men ońtústik-shyǵysynda óte joǵary órt qaýpi saqtalady.
Taıaý táýlikte respýblıkanyń ońtústik, ońtústik-shyǵys jáne shyǵys taý ózenderinde sý deńgeıiniń aýytqýy baıqalady.
