9 tamyzda BUU Qaýipsizdik keńesiniń májilisi ótedi
ASTANA. KAZINFORM – Birikken Ulttar Uıymynyń Qaýipsizdik keńesi (BUU QK) 9 tamyz kúni bas qosyp, Izraıl úkimetiniń Gaza qalasyna basyp kirý sheshimin talqylaıdy, dep habarlaıdy Anadoly.
«Anadoly» agenttigi tilshisine dıplomatııalyq kózderden jetken aqparat boıynsha, májilis ótkizý týraly suranys AQSh pen Panamany eseptemegende BUU QK – niń barlyq múshelerinen túsken.
AQSh májilistiń ótkizilýine qarsy boldy.
BUU QK tótenshe májilisi 9 tamyz kúni jergilikti ýaqyt boıynsha saǵat 15:00-de bastalady.
Gazany okkýpatsııalaý týraly sheshim
7 tamyz kúni keshkisin Izraıldiń qaýipsizdik kabıneti Gaza sektorynyń soltústigindegi Gaza qalasyn okkýpatsııalaý týraly jospardy maquldady.
Izraıl premer-mınıstri Bınıamın Netanıahý mınıstrler kabınetiniń májilisi aldynda Fox News-ke bergen suhbatynda ózderiniń maqsaty Gazany baqylaýǵa alý ekenin aıtty.
Osyǵan deıin Izraıldiń Gaza qalasyn okkýpatsııalaý týraly jospary maquldanǵany týraly jazdyq.