9 tamyz. Kazinform kúntizbesi. Tulǵalar týǵan kún

ESІMDER

54 jyl buryn (1972) «QazTransOıl»AQ Pavlodar munaı qubyry basqarmasynyń bastyǵy Temirhan Qaıyrbekuly ÁBDІROV dúnıege keldi.

1997 jyly O.A.Baıqońyrov atyndaǵy Jezqazǵan ýnıversıtetin «Paıdaly qazbalar ken oryndaryn jerasty óndirý» mamandyǵy boıynsha, 2002 jyly Q.Sátbaev atyndaǵy Qazaq ulttyq tehnıkalyq ýnıversıtetin «Gaz jáne munaı qubyrlaryn jobalaý, salý jáne paıdalaný» mamandyǵy boıynsha bitirgen.

Eńbek joly: 1992 jyly «Qazmehanomontaj» Jezqazǵan montaj basqarmasynyń tehnologııalyq jabdyqtaryn montajdaýshysy, 1996-2006 jyldary tehnologııalyq jabdyqtardy jóndeý jónindegi slesar, Jezqazǵan AVP brıgadıri, Barseńgir sorǵy stantsııasynyń bastyǵy, BPO bastyǵy, «QazTransOıl» AQ Jezqazǵan munaı qubyry basqarmasynyń bas ınjeneri, 2006-2008 jyldary bas ınjener - Batys fılıaly dırektorynyń birinshi orynbasary, «QazTransOıl» AQ Mańǵystaý munaı qubyry basqarmasynyń bas ınjeneri boldy, 2008-2013 jyldary «Batýmı munaı termınaly» JShS bas dırektorynyń óndiris jónindegi orynbasary, bas dırektory, 2013-2015 jyldary «QazTransOıl» AQ Batys jáne Shyǵys fılıaldarynyń kúrdeli qurylys jáne kúrdeli jóndeý jónindegi dırektorynyń orynbasary, 2015-2018 jyldary «QazTransOıl» AQ Shyǵys departamenti bólim bastyǵy, bas ınjener-dırektordyń birinshi orynbasary, 2018-2019 jyldary Jezqazǵan munaı qubyry basqarmasynyń bastyǵy, «QazTransOıl» AQ Qaraǵandy ​​munaı qubyry basqarmasynyń bastyǵy qyzmetin atqardy. «Batýmı munaı termınaly» jaýapkershiligi shekteýli seriktestiginiń bas dırektory, 2019-2022 jyldary «QazTransOıl» AQ Operatorlarǵa qyzmet kórsetý departamentiniń dırektory, 2022-2023 jyldary «QazTransOıl» AQ Pavlodar munaı qubyry basqarmasynyń bastyǵy, 2023-2025 jyldary «QazTransOıl» AQ bas dırektorynyń óndiris jónindegi orynbasary qyzmetin atqardy.

2025 jyldyń sáýir aıynan beri qazirgi qyzmetinde.

107 jyl buryn (1919-1942) áskerı ushqysh-shtýrmovık, serjant, Keńes Odaǵynyń batyry Nurken Ábdiruly ÁBDІROV dúnıege keldi.

Qaraǵandy oblysy, Qarqaraly aýdanynda týǵan. 1939 jyly Qaraǵandy aeroklýbynyń ushqyshtar kýrsyn bitirip, zapastaǵy pılot mamandyǵyn alady.

Qyzyl armııa qataryna 1940 jyly shaqyrylǵan. Orynbor avıatsııa ýchılışesin bitirgennen keıin (1942 j.), 267-shi avıatsııa dıvızııasynyń 808-shi polkine jiberildi. Shaıqasta erjúrektiligimen, isker qımyldarymen kózge tústi, jaýdyń oq-dári, qarý-jaraq qoımalaryn, adam kúshi men urys tehnıkasyn joıdy. 16 ret áýe shaıqasyna qatysyp, fashısterdiń 12 tankisin, 28 júk avtomobılin, oq-dári tıegen 18 mashınasyn, janarmaı quıylǵan 3 tsısternasyn, 3 zeńbiregin joıyp, 50-den astam nemis soldaty men ofıtserin jer kushtyrǵan. N.Ábdirov jaýdyń Stalıngrad shebine enetin Bokov-Ponomarevka aýdanyndaǵy qorǵanys bekinisi men shoǵyrlanǵan tankilerin joıý úshin áýege kóteriledi. Tapsyrmany oryndaý kezinde N.Ábdirov birneshe dzotty, zenıt artıllerııasynyń 2 núktesin, 6 tankti joıdy, biraq óziniń ushaǵy da zaqymdandy. Jalyn sharpyǵan ushaǵyn jaý tehnıkasy shoǵyrlanǵan tusqa baǵyttap, kapıtan N.F.Gastello sııakty qaharmańdyqpen qaza tapty.

Rostov oblysynyń Veshensk aýdanynyń N.Ábdirov jerlengen Konkı hýtorynda, Qaraǵandy qalasynda, sondaı-aq onyń esimi berilgen aýylda (batyrdyń týǵan jerinde) N.Ábdirovke eskertkishter ornatylǵan. Qaraǵandyda N.Ábdirov atyndaǵy dańǵyl bar. Jyl saıyn N.Ábdirov atyńdaǵy júlde úshin erkin kúresten jarys ótkiziledi. Volgogradtaǵy Mamaev qorǵanynyń eteginde N.Ábdirov beıneli zıraty jasalǵan. Qaraǵandydaǵy kenshilerdiń mádenıet saraıynyń repertýaryna Nurken Ábdirov týraly balet engizilgen (mýzykasy A.Rýdenskııdiki). N.Ábdirov týraly G.ıAkımov jazǵan «Máńgilik ómir shyńyna» («Pıke v bessmertıe») atty derekti povest (Almaty, 1966 j. ) boıynsha «Qazaqtelefılm» stýdııasy fılm shyǵardy.

35 jyl buryn (1990-2023) qazaqstandyq ındı-pop-oryndaýshy, ánder avtory, saýnd-prodıýser jáne mýzykant Darhan Baltabekuly JÚNІSBEKOV (Darkhan Juzz) dúnıege keldi.

Almatyda týǵan.

14 jasynan mýzyka jaza bastady. 2016 jyly Darkhan Juzz óziniń «Eń sulý» jáne «Qaldyrma meni» atty alǵashqy trekterin jarııalady. 2017 jyly onyń mýzykasy «Mahabbattyń 8 kezeńi» atty qysqametrajdy fılmde paıdalanyldy. Sodan keıin onyń «Kún men aıym» atty alǵashqy beınebaıany jaryq kórdi. «Irına Kaıratovna shoýymen» birlese otyryp, «Barı mýzykant» tregi, odan keıin «Nege nıgga?» beınebaıany jaryq kórdi. «Sheker» tregi naǵyz hıtke aınalyp, «Sheker» atty telehıkaıada paıdalanyldy. 2019 jyly onyń «TBRN» atty debıýttik sınglder jınaǵy shyqty.

2021 jyly Darkhan Juzz Forbes Kazakhstan jýrnalynyń bolashaǵy bar 30 jas qazaqstandyq tizimine endi. 2023 jyly 11 tamyzda Almatyda mýzykantty eske alýǵa arnalǵan Tebiren Fest festıvalinde «aūe» albomynyń tusaýkeseri ótti.

46 jyl buryn (1980) «Home Credit Bank» AQ Basqarma tóraǵasy Sholpan Muqashqyzy NURYMBET dúnıege keldi.

2000 jyly Qazaq memlekettik basqarý akademııasyn qarjy jáne nesıe mamandyǵy boıynsha bitirgen.

Kásibı mansabyn bank sektorynda «BankTuranAlem» AAQ-da nesıelik sarapshy jáne nesıelik operatsııalar ákimshisi retinde bastady, onda shaǵyn bızneske nesıe berý baǵdarlamalarynda, sonyń ishinde Shaǵyn bıznes – EQDB jelisinde jumys istedi (2001–2002). Sodan keıin ol shaǵyn jáne orta bızneske nesıe berý salasynda mansabyn únemi damytyp, 2002-2003 jyldary «BankTuranAlem» AAQ-da aǵa jáne jetekshi maman, 2003-2004 jyldary «Tsesnabank» AAQ Almaty fılıalynyń nesıe berý bóliminiń bastyǵy qyzmetterin atqardy. 2004-2009 jyldary «ATFBank» AQ-da ShOB departamentiniń jetekshi jáne bas mamany, aımaqtyq úılestirý bóliminiń menedjeri, departament dırektorynyń orynbasary jáne Qaskeleńdegi fılıal dırektory qyzmetterin atqardy. 2009-2013 jyldary «Alıans Bank» AQ Basqarma tóraǵasynyń orynbasary, 2013-2014 jyldary «Temirbank» AQ Basqarma tóraǵasynyń orynbasary – Basqarma múshesi, 2014-2016 jyldary «ForteBank» AQ Basqarma tóraǵasynyń orynbasary – Basqarma múshesi, 2016–2017 jyldary «Bank Kassa Nova» AQ Basqarma tóraǵasy, 2017–2021 jyldary «Nova Leasing» AQ Dırektorlar keńesiniń tóraǵasy, 2021-2025 jyldary «ForteBank» AQ Basqarma múshesi, Basqarma tóraǵasynyń orynbasary laýazymyn atqarǵan.

Qazirgi qyzmetine 2025 jyldyń jeltoqsanynda kiristi.