9-shy synyp oqýshylaryna arnalǵan «Dintaný negizderi» atty oqýlyq jaryq kórdi
ASTANA. Aqpannyń 17-si. QazAqparat - Jalpy bilim beretin mektepterdiń 9-shy synyp oqýshylaryna arnalǵan «Dintaný negizderi» atty oqýlyq jaryq kórdi. Bilim jáne ǵylym mınıstrliginiń arnaıy buıryǵymen bekitilgen baǵdarlama negizinde shyqqan kitapty QR Parlamenti Senatynyń depýtaty, professor, akademık Ǵarıfolla Esimniń jetekshiligimen avtorlyq ujym daıyndady,
dep habarlaıdy QazAqparat.
Bul oqýlyqta dintaný negizderiniń páni, uǵymdary, qurylymy, tarıhy, álemdik - býdda, hrıstıan, ıslam dinderi, onyń baǵyttary keńinen ashylǵan. Sonymen qatar oqýshylar túsinigine saı táýelsizdik jyldary elimizge taralǵan dástúrli emes dinı kýlttarǵa saraptama jasalǵan. Qazaqstandaǵy dinı jaǵdaıdyń tarıhy, ıslamnyń qazaq halqynyń turmysy men rýhanı ómirinde alatyn orny jaıynda da keńinen toqtalǵan. Oqýlyq mazmunynda Elbasy N.Nazarbaevtyń tikeleı bastamasymen Astana qalasynda ótken Álemdik jáne dástúrli dinder kóshbasshylarynyń sezderiniń materıaldaryna taldaý jasalyp, halyqaralyq qaýymdastyq deńgeıinde beıbitshilik pen dinaralyq kelisim ornatý saıasaty baıandalǵan.
