9 shildedegi aýa raıy boljamy: respýblıkanyń birqatar óńirlerinde óte joǵary órt qaýpi saqtalady
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, jel kúsheıedi. Qazaqstannyń ońtústiginde jáne ońtústik-shyǵysynda - kún raıy ashyq bolady, dep habarlady QR TJM baspasóz qyzmeti Qazgıdrometke silteme jasap.
Aqmola, Mańǵystaý, Batys Qazaqstan, Aqtóbe, kúndiz Shyǵys Qazaqstan oblystarynda keı jerlerde jeldiń ekpini 15-20 m/s-qa jetedi. Soltústik Qazaqstan oblysynda keı jerlerde jeldiń kúshi 15-20 m/s-qa jetip, túnde jáne tańerteń tuman túsedi, Qyzylorda oblysynda kúndiz keı jerlerde jeldiń kúshi 15-20 m/s-qa jetip, shańdy daýyl kóteriledi. Kúndiz Jambyl, Qyzylorda, Atyraý, Aqtóbe oblystarynda, Ońtústik Qazaqstan, Qaraǵandy oblystarynyń keı jerlerinde kúshti aptap ystyq bolady. Respýblıkanyń batysynda, ońtústiginde, ońtústik-shyǵysynda, soltústik-batysy men ortalyǵynyń keı jerlerinde óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıiniń qubylýy baıqalady. Іle ózeninde Qapshaǵaı sý qoımasyna sý aǵynynyń ulǵaıýy kútiledi.
