9 sáýirge arnalǵan aýa raıy boljamy
ASTANA. QazAqparat - Búgin Aqmola oblysy men Astana qalasynda ońtúistik-bastystan soqqan jeldiń kúshi 15-20, keıbir jerlerde 23-28 m/s deıin jetedi dep kútilýde. Bul týraly Qazgıdromet habarlady.
Qazaqstannyń soltústigi men batys bóliginde atmosferalyq frontaldyq aǵyndardyń ótýine baılanysty aýa raıynyń qolaısyzdyǵy saqtalady. Jer-jerlerde jaýyn-shashyn bolyp, kóktaıǵaq oryn alyp, kúshti jel soǵyp, soltústiktiń basym bóliginde jel kúsheıedi. Atap aıtqanda, Qostanaı oblysynda jeldiń ekpini 15-20, keıbir jerlerinde 23 metrge deıin baryp, tuman túsip, kóktaıǵaq bolady dep kútilýde. Soltústik Qazaqstan oblysynyń keı jerlerine tuman túsip, kóktaıǵaq bolyp, jeldiń kúshi 17-22 metrge jetse, Jambyl oblysynda túnde keıbir aýmaqqa tuman túsip, kúndiz jel kúsheıip, 15-20 m/s deıin barady. Qaraǵandy oblysynyń jer-jerine tuman túsip, jel kúsheıip, 15-20 m/s bolady dep kútilýde. Al Pavlodar men Shyǵys Qazaqstan oblysynda túnde, sondaı-aq Ońtústik Qazaqstan, Qyzylorda, Batys Qazaqstan oblystarynda jel kúsheıip, ekpini sekýndyna 15-23 metrge deıin jetedi degen boljam bar. Sondaı-aq Mańǵystaý oblysynyń jer-jerine tuman túsedi dep kútilýde.
