9 sáýirde Astananyń birqatar kóshelerinde jylý berý toqtaıdy

ASTANA. 8 sáýir. QazAqparat - Jylý magıstraline synaq júrgizilý úshin elordada josparlanǵan 3 sáýirdegi keıbir páterlerde sýyq jáne ystyq sýmen jabdyqtaýdy toqtatý 9 sáýirge aýystyryldy. Osyǵan baılanysty birqatar bilim berý, densaýlyq, mádenıet ǵımarattary jáne adamdar kóp jınalatyn qoǵamdyq oryndar jylý men sýdan aǵytylady. Bul týraly «Astana-Teplotranzıt» AQ málim etti, dep habarlaıdy astana.kz.

«O basta biz synaqty 3 sáýirde josparlaǵanbyz. Alaıda, bul kúni aýa-raıy óte salqyn boldy, sondyqtan jumysty keıinge shegerdik» - dep túsindirdi kompanııadan.

2013 jyldyń 9 sáýirinen bastap JEO-1 baqylaýy boıynsha 130°S temperatýraǵa eseptelgen jylý magıstralderin synaqtan ótkizý kezeńinde uıǵarymǵa sáıkes kásiporyn men mekeme basshylary, PIK jáne KS tóraǵalary ystyq sýdy berýdi toqtaýy qajet.

Kompanııada atap kórsetilgenindeı, synaq Saryarqa jáne Almaty aýdandarynda: Óndiris, Kúmisbekov, Aqbıdaı, Taıbýryl, Igilik, Shonanuly, Qarasaı batyr, Konstıtýtsııa, Birjan sal, Qutpanov, Esenberlın, Máskeý, Moldaǵulova, Sarybulaq, Baıseıitova, Beısekova, Jangeldın, Seıfýllın, Bıgeldınov, Kenesary, Jeltoqsan, Irchenko, Áýezov, Beıbitshilik, Imanov, Imanbaeva, Omarov, Ýálıhanov, Aımaýytov, Aımanov, Dúkenuly, Rechnaıa, Ramazan kóshelerinde, sondaı-aq Bógenbaı dańǵyly, Tilendıev dańǵyly, Abaı dańǵyly, Jenis dańǵyly, Respýblıka dańǵylynda júrgiziledi.