9 óńirde aptap ystyq saqtalady - Qazgıdromet
ASTANA. QazAqparat - Atmosferalyq fronttardyń ótýine baılanysty 12 shilde kúni jekelegen óńirlerde naızaǵaı oınap, jańbyr jaýady, burshaq bolýy múmkin. Ońtústikte túnde jáne tańerteń daýyl bolady. Respýblıkanyń tek ońtústik-batysynda jáne ońtústiginde jaýyn-shashynsyz kún raıy kútiledi. Elimizdiń keı aımaqtarynda jel kúsheıip, túnde jáne tańerteń tuman boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Soltústik Qazaqstan oblysynyń keı jerlerinde 15-20 m/s ekpinde jel soǵady, kúndiz burshaq jaýýy múmkin, túnde jáne tańerteń tuman bolady.
Qostanaı, kúndiz Shyǵys Qazaqstan oblystarynyń keı jerlerinde burshaq bolýy yqtımal, jel 15-20 m/s kúsheıedi.
Aqmola oblysynyń keı jerlerinde 15-20 m/s jyldamdyqta jel turyp, kúndiz burshaq kútiledi.
Qaraǵandy oblysynda kúndiz keı jerlerde 15-20 m/s ekpinde jel soǵady, túnde jáne tańerteń tuman bolady.
Qyzylorda oblysynda tańerteń jáne kúndiz 15-20 m/s jyldamdyqta jel bolady, shańdy daýyl turady.
Jambyl, Almaty, kúndiz Batys Qazaqstan oblystarynda keı jerlerde jel 17-22 m/s kúsheıedi.
Sondaı-aq Atyraý oblysynyń jekelegen aýmaqtarynda qatty ystyq kútiledi. Batys Qazaqstan, Mańǵystaý, Almaty oblystarynyń basym bóliginde, Aqtóbe, Qyzylorda, Jambyl, Qaraǵandy, Shyǵys Qazaqstan oblystarynyń keı jerlerinde qatty ystyq boljanady.
Budan bólek, Mańǵystaý oblysynda, Qyzylorda oblysynyń basym bóliginde, Atyraý, Batys Qazaqstan, Aqtóbe, Túrkistan, Shyǵys Qazaqstan oblystarynyń keı jerlerinde joǵary órt qaýpi saqtalady.
