9 naýryzǵa arnalǵan aýa raıy boljamy - Qazgıdromet
ASTANA. QazAqparat - 9 naýryz kúni Qazaqstannyń batys bóligi antıtsıklonnyń yqpalynda bolady, keı jerlerge tuman túsedi. Respýblıkanyń qalǵan aımaqtarynda jel kúsheıip, boran soǵady, kóktaıǵaq bolyp, tuman túsedi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Aqmola oblysynda keı jerlerde kóktaıǵaq bolady, jeldiń ekpini 15-20 m/s-qa deıin baryp, burqasyn soǵady, túnde jáne tańerteń tuman túsedi. Ońtústik Qazaqstan oblysynda tuman túsip, kóktaıǵaq bolady, ekpini 15-20 m/s jel soǵady. Qostanaı oblysynyń keı jerlerinde tuman túsip, kóktaıǵaq bolady, burqasyn bolýy múmkin, jeldiń ekpini 18 m/s-qa deıin barady. Shyǵys Qazaqstan oblysynda tuman túsip, jel 15-20 m/s ekpinmen soǵady. Mańǵystaý oblysynyń keıbir aımaqtarynda ekpini 15-20 m/s jel soǵady. Almaty, Jambyl, Soltústik Qazaqstan oblystarynda tuman túsip, kóktaıǵaq bolady. Qyzylorda, Atyraý, Batys Qazaqstan, Aqtóbe oblystarynda tuman túsedi.
