9 naýryz. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
9 NAÝRYZ, JEKSENBІ
Halyqaralyq dı-djeı kúni. Halyqaralyq dı-djeı kúni - bul tek resmı meıram ǵana emes, sonymen qatar mańyzdy qaıyrymdylyq oqıǵa, ol 2002 jyldan bastap halyqaralyq klýbty ónerkásiptiń atynan ótkiziledi. Jyl saıyn naýryzdyń 9-ynda Dı-djeı kúniniń qarsańynda dúnıe júzi boıynsha balalar úıine kómek atty qaıyrymdylyq aktsııasy ótedi.
Lıvanda muǵalimder kúni.
Reseıde geodezııa jáne kartografııa mamandarynyń kúni. Reseıde 2000 jyldan beri naýryz aıynyń ekinshi jeksenbisi geodezııa jáne kartografııa mamandarynyń merekesi bolyp atalyp ótiledi.
ESTE QALAR OQIǴALAR
1 9 jyl buryn (1995) Qazaqstan Respýblıkasynyń Prezıdenti N.Nazarbaev óz rezıdentsııasynda Vengrııanyń Premer-mınıstri Dıýlý Horndy qabyldady.
1 3 jyl buryn (2001) Qazaqstan men Reseı shekarany mejeleýge kiristi. Kezdesýler barysynda qazaqstandyq jáne reseılik shekarashylar sozylymdyǵy 1896,5 shaqyrym jerdi alyp jatqan reseılik Astrahan, Volgograd, Saratov jáne Orynbor oblystarynyń memlekettik shekaradan ótý týraly jobalary topografııalyq kartaǵa kelisip engizildi.
9 jyl buryn (2005) Tarazda jańa sport kesheniniń ashylý saltanaty boldy. Keshende jattyǵý zaldary, sonymen birge shyǵys jekpe-jekteriniń jattyǵýlaryna arnalǵan, fıtnes, aerobıka jáne densaýlyqty jaqsartatyn jattyǵýlar zaldary bar. Bul jerde balalar úıiniń jáne múmkindigi shekteýli balalardyń jattyǵýlary ótedi.
9 jyl buryn (2005) Qostanaıda reseıdiń tanymal kórkem sýretshisi Aleksandr Razboınıkovtyń kórmesi ótti. Bul avtordyń Qazaqstandaǵy alǵashqy kórmesi. Kórmede sýretshiniń «Arkaım» jáne «Drevnıe tsıvılızatsıı» toptamalar jumystary jáne de onyń kórkem ádebıet shyǵarmalarynyń erekshe sýretteri kórsetilgen.
8 jyl buryn (2006) Óskemenniń ońtústik jaǵynan jańa avtovokzal salyndy. Bul - oblystyń túpkirine-túpkirine saparǵa attanatyndar úshin qaladaǵy úshinshi avtovokzal.
Shyǵys Qazaqstan aımaǵynda avtobýstar qatynasy 63 baǵytta úzilissiz qatynaıdy. Jańa avtovokzaldyń ashylýy servıstik qyzmettiń keńeıtile túsýine jáne jolaýshylarǵa barynsha qolaıly jaǵdaılar jasaýǵa múmkindik berdi.
4 jyl buryn (2010) Qyzylorda oblysynyń Shıeli aýdanyndaǵy «Polıhım ónimderi» kompanııasy» JShS polıetılen qubyrlaryn shyǵardy.
Qubyr óniminiń basty jetistigi onyń ekologııalyq tazalyǵy desek, tózimdiligi, jeńildigi, sondaı-aq qoldanysqa ıkemdiligi baǵasyn arttyryp tur. «Polıhım ónimderi» kompanııasy» JShS shyǵaratyn qubyrlar negizinen «Qazatomónerkásibi» ulttyq kompanııasynyń ýran óndirisine paıdalanylady. Ýran metaly jınaqtalatyn shıkizat jer astynan 600-700 metr tereńdikten silti qyshqylynyń eritindisin jiberý arqyly alynatyndyǵyn eskersek, oǵan degen tózimdilik sapasyna aıryqsha mán beriledi. «Keń-Dala KZ», «Báıken-U», «Appaq», «Semizbaı», «Qarataý» JShS atalmysh kásiporynnyń senimdi seriktestikterine aınaldy.
Kásiporyn Germanııanyń belgili «Kraýss Mafaı» kompanııasynyń tásilin qoldanady. Óndiris tsehy úsh tarapty jańa tehnologııalyq jabdyqtarmen qamtamasyz etilgen.
2 jyl buryn (2012) Túrkııada Qazaqstannyń mádenıeti kúnderi ótti. Ony Ystambuldaǵy qazaq-túrik qory men Dúnıejúzi qazaqtarynyń qaýymdastyǵy uıymdastyrdy.
9 6 jyl buryn (1918) Reseı astanasy Peterbordan Máskeýge kóshirildi.
ESІMDER
11 4 jyl buryn (1900-1970) qazaq jazýshysy jáne tarıhshysy, tarıh ǵylymdarynyń doktory, professor JANTÝAROV Sultan Baıtýaruly dúnıege keldi.
Reseı Federatsııasynyń Orynbor oblysynda týǵan. Orynbordaǵy orys-qyrǵyz mektebinde saýatyn ashqan. Sonda júrgen kezinde saıası ómirge aralasa bastaǵan. 1918 jyly Orynbor qyzyl krestıan polkynyń jaýyngeri bolǵan. Qyrǵyz (Qazaq) AKSR qurylýyn jarııalaǵan Keńesterdiń Búkilqazaq seziniń delegaty bolǵan. Respýblıkamyzdyń keńestik jáne partııalyq organdarynda jaýapty qyzmetter atqarǵan.
«Djıgıty Chılekty», «S orýjıem v rýkah», «Zarıa nad stepıý», «Chrezvychaınyı komıssar» atty kitaptardyń avtory.
8 3 jyl buryn (1931-1978) til mamany, fılologııa ǵylymdarynyń doktory, professor BOLATOV Jamalbek dúnıege keldi.
Jambyl oblysynyń Jambyl aýdanynda týǵan. Abaı atyndaǵy Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) bitirgen.
1954-1956 jyldary - Abaı atyndaǵy Qazaq pedagogıkalyq ınstıtýtynyń oqytýshysy. 1956-1976 jyldary - Qazaq KSR Ǵylym Akademııasynyń Til bilimi ınstıtýtynyń (1961 jylǵa deıin Til jáne ádebıet ınstıtýty) ǵylymı qyzmetkeri. 1976-1978 jyldary - Abaı atyndaǵy Qazaq pedagogıkalyq ınstıtýtynyń qazaq tili kafedrasynyń meńgerýshisi.
Ǵalymnyń negizgi ǵylymı eńbekteri qazaq tiliniń dıalektologııasy máselelerine arnalǵan. Ol «Qazaq tiliniń tarıhy men dıalektologııasynyń máseleleri», «Qazaq dıalektologııasy», «Qazaq tiliniń etımologııalyq sózdigi», «Qazaq tiliniń dıalektologııalyq sózdigi» avtorlarynyń biri.
7 8 jyl buryn (1936) M.Áýezov atyndaǵy Qazaq memlekettik akademııalyq drama teatrynyń aktrısasy MYShBAEVA Núketaı dúnıege keldi.
Aktrısa, ánshi (metstso-soprano). Qazaqstannyń halyq ártisi (1991). 1959 j. Almaty memlekettik óner ınstıtýtynyń (qazirgi Almaty memlekettik konservatorııasy) akterlik fakýltetin bitirgen. 1960 jyldan Qazaqtyń memlekettik akademııalyq drama teatrynyń aktrısasy. Aısulý (Q.Shańǵytbaev, Q.Baıseıitov, "Beý, qyzdar-aı" ), Aıbala (Á.Tájibaev, "Toı bolarda" ), Marfýǵa ( Q.Muhamedjanov, "Qudaǵı kelipti" ), t.b. rólderdi oryndap, óner jolyn komedııalyq beınelerdi jasaýdan bastaǵan jas aktrısa Álıman (Sh.Aıtmatov, "Ana-Jer ana" ), Maıra (Á.Tájibaev, "Maıra" ) rólderin oryndap, óziniń sheberligin dramalyq, tragedııalyq rólderde kórsete bilip, ánshilik qasıetterimen kópshilikke tanyldy. Aqbala (Á.Nurpeıisov, "Qan men ter"), Meńsulý (Sh.Qusaıynov, "Aldar kóse"), Júztaılaq, Qarlyǵash, Aqbala (M.Áýezov, "Túngi saryn", "Abaı", "Qarakóz"), Bekeı (Aıtmatov, "Aq keme" ), Ǵalııa (T.Ahtanov, "Kútpegen kezdesý" ), Ajar ( S.Júnisov, "Ajar men ajal"), Hatshy áıel, Urqııa (A.Súleımenov, "Tórt taqta - jaınamaz", "Qyzdaı jesir - shtat qysqartý"), t.b. rólderi Núketaı Myshbaevanyń ǵana emes, qazaq ulttyq sahna óneriniń ósip-ilgerileý jolyndaǵy eleýli kezeńderi. 1976 jyldan kınoǵa túsken, kóp bólimdi "Qymyzhana" telespektaklinde Teńgetaı rólin, sondaı-aq halyq ánderi men osy zaman kompozıtorlary ánderiniń oryndaýshysy retinde tanymal.
«Parasat» ordenimen marapattalǵan.
7 5 jyl buryn (1939) jazýshy, aqyn, Qazaqstan Jazýshylar odaǵynyń múshesi QALDYBAI Mamytbek dúnıege keldi.
Ońtústik Qazaqstan oblysy Tóle bı aýdany Qyzyljalaý aýylynda dúnıege kelgen. Kásiptik-tehnıkalyq ýchılışeni, Shymkent pedagogıka ınstıtýtynyń fılologııa fakýltetin (1963) bitirgen. Eńbek jolyn Jambyl oblysy Qordaı aýdany, Kenen aýlynda muǵalimdikten bastaǵan. 1970-1980 jyldary Almaty oblystyq «Jetisý» gazetinde, 1980-1982 jj. respýblıkalyq «Mádenıet jáne turmys» (qazirgi «Parasat») jýrnalynda qyzmetker, 1982-1990 jj. QazMÝ-diń jýrnalıstıka fakýltetinde oqytýshy bolǵan. 1982 jyly «Qazaq sovet derekti prozasy» degen taqyrypta kandıdattyq dıssertatsııa qorǵaǵan. 1990 jyldan beri Qazaq memlekettik Sport jáne týrızm akademııasynda oqytýshy. Segiz jyl boıy qazaq, orys tilderi kafedrasyn basqarǵan. Fılologııa ǵylymdarynyń kandıdaty. Shyǵarmalary: Kópir. Óleńder. «Jazýshy», 1974; Aına. Óleńder. «Jazýshy», 1977; Aqjaıyq jyrlary. Óleńder. «Jazýshy», 1978; Mereı. Balalarǵa arnalǵan povest, áńgimeler. «Jazýshy», 1979; Aı týyp keledi. Povest. «Jazýshy», 1983; Báıdibek baba armany. Roman. «Qazaqstan», 1995; Akademık Lesbek Seıitbekov. «Qonjyq», 1998; Bekasyl áýlıe. «Elorda», 2001.
7 3 jyl buryn (1941-1992) Qazaqstan Respýblıkasynyń memlekettik qaıratkeri KÓPBAEV Seıdilda Daýletbaquly dúnıege keldi.
Almaty oblysynyń Qarasaı aýdanynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti).
1964-1966 jyldary - orta mekteptiń muǵalimi. 1966-1969 jyldary - BLKJO Almaty oblystyq komıteti bólim meńgerýshisiniń orynbasary, nusqaýshysy. 1969-1971 jyldary - BLKJO Ortalyq komıteti bólim meńgerýshisiniń orynbasary. 1971-1972 jyldary - oqýshylardy kásipke beıimdeý jónindegi respýblıkalyq ádistemelik kabınetiniń ádiskeri. 1972-1975 jyldary - Qazaq KSR oqý mınıstriniń kómekshisi. 1975-1978 jyldary - Almaty oblystyq partııa komıtetiniń nusqaýshysy. 1978-1989 jyldary - Almaty oblystyq halyqqa bilim berý bóliminiń meńgerýshisi, oblystyq atqarýshy komıteti halyqqa bilim berý basqarmasy bastyǵy. 1989-1990 jyldary - Qazaq pedagogıka ǵylymdarynyń ǵylymı-zertteý ınstıtýtynyń aǵa ǵylymı qyzmetkeri. 1990 jyly - Qazaqstan Kompartııasy Ortalyq Komıtetiniń keńesshisi. 1990-1992 jyldary - Qazaqstan Respýblıkasy Mınıstrler Kabınetiniń jáne Prezıdent Apparatynyń dinı uıymdarmen baılanys jónindegi bólimniń meńgerýshisi qyzmetterin atqarǵan.
Eńbek Qyzyl Tý ordenimen jáne medaldarmen marapatalǵan.
61 jyl buryn (1953) T.Júrgenov atyndaǵy Qazaq ulttyq óner akademııasynyń oqytýshysy BAPANOV Álibaı Qaltaıuly dúnıege keldi.
Qyzylorda oblysynda týǵan. N.V.Gogol atyndaǵy Almaty kórkemsýret ýchılışesin, V.I.Sýrıkov atyndaǵy Máskeý memlekettik kórkemsýret ınstıtýtyn bitirgen.
QR kórkemsýret akademııasynyń múshesi, T.Júrgenov atyndaǵy Qazaq ulttyq óner akademııasynyń professory. Kóptegen gobelen shyǵarmalarynyń avtory. Jeke kórmeleri álemniń kóptegen elderinde ótkizildi. Jumystary birqatar memleketterdiń murajaılarynda saqtaýly. «Eren eńbegi úshin» medalimen, QR Mádenıet mınıstrliginiń Qurmet gramotalarymen marapattalǵan. Halyqaralyq, respýblıkalyq baıqaýlar men festıvaldardyń laýreaty.
61 jyl buryn (1953) Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi, pedagogıka ǵylymynyń kandıdaty FERHO Svetlana Ivanovna dúnıege keldi.
Shyǵys Qazaqstan oblysy Zyrıanovsk qalasynda dúnıege kelgen. Óskemen pedagogıkalyq ınstıtýtyn bitirgen. Tarıh jáne qoǵamtaný pánderiniń muǵalimi. Pedagogıka ǵylymynyń kandıdaty. Amanjolov atyndaǵy Shyǵys Qazaqstan memlekettik ýnıversıteti jáne Qaraǵandy memlekettik tehnıkalyq ýnıversıtetteriniń qurmetti professory. Halyqaralyq aqparattandyrý akademııasynyń múshesi. Instıtýtty aıaqtaǵan soń, bilim salasynda ár túrli qyzmetter atqardy. 1983-1991jj. - Zyrıan orta mektebiniń dırektory. 1991-1999jj.- Zyrıan qalalyq halyqqa bilim berý bóliminiń meńgerýshisi, tarıh jáne qoǵamtaný pánderiniń muǵalimi. 1999-2006 jj.- Shyǵys Qazaqstan oblystyq bilim departamentiniń bastyǵy 2006-2007jj.- Óskemen qalasy ákiminiń orynbasary 2007-2011jj. IV saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi, «Nur Otan» HDP-nyń Májilistegi fraktsııasynyń densaýlyq jáne demografııa, bilim jáne otbasylyq saıasaty áleýmettik Keńesiniń múshesi. 2012 jylǵy qańtardaǵy besinshi saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi, «Nur Otan» HDP-niń Májilistegi fraktsııasynyń Áleýmettik Keńesi tóraǵasynyń orynbasary. «Qurmet» ordenimen, «Eren eńbegi úshin», «Astananyń 10 jyldyǵy», «Qazaqstan Respýblıkasynyń táýelsizdigine 20 jyl» medaldarymen marapattalǵan. «Qurmetti bilim qyzmetkeri» belgisisiniń ıegeri.
58 jyl buryn (1956) QR Parlamenti Májilisiniń depýtaty, Qarjy jáne bıýdjet komıtetiniń múshesi KÝZЬMIN Nıkolaı Alekseevıch dúnıege keldi.
Óskemende týǵan. Óskemen qurylys tehnıkýmyn, Qazaq ulttyq tehnıkalyq ýnıversıtetin bitirgen. 1973-1974 jyldary Óskemen tıtan-magnıı kombınatynda (budan ári - ÓTMK) slesar, júrgizýshi bolyp jumys istedi. 1974-1976 jyldary Keńes Armııasy qatarynda áskerı boryshyn ótedi. 1976-1987 jyldary - ÓTMK-nyń slesary, júrgizýshisi. 1987-1991 jyldary - ÓTMK-niń ekonomısi, bólim bastyǵynyń orynbasary. 1991-2012 jyldary - «Tıtan» «Óndiristik-kommertsııalyq fırmasy» JShS-niń dırektory, bas dırektory. 2012 jylǵy qańtardan bastap - besinshi saılanǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń múshesi. «Qurmet» ordenimen, «Shapaǵat», «Bilim berý salasynyń metsenaty» medaldarymen marapattalǵan.
200 jyl buryn (1814-1861) ýkraın aqyny, sýretshi, oıshyl ShEVChENKO Taras Grıgorevıch dúnıege keldi.
Ýkraınanyń Cherkassy oblysynda týǵan. Peterbor qalasyndaǵy Kórkemsýret akademııasyn bitirgen. Ol Kırıll-Mefodıı qoǵamyna qatysqany úshin 10 jylǵa aıdalyp, Qazaqstanǵa jer aýdarylǵan. 1848 jyly A.Býtakovtyń basshylyǵymen Aral teńizin zertteý ekspedıtsııasyna qatysyp, 350-den astam peızaj, portret salǵan. Olardyń qatarynda «Atqa mingen qazaq», «Aral teńiziniń jaǵasyndaǵy qazaqtyń kıiz úıi», «Qosaraldaǵy qazaqtardyń qystaýlary», t.b. sýretteri bar. T.Shevchenko 1850 jyly ekinshi ret qamalyp, Mańǵystaýdaǵy Novopetrov qamalyna (keıinnen Fort-Shevchenko) jer aýdaryldy. Onyń «Kıiz úıde otyrǵan qazaqtar», «Qazaq balasy ot jaǵyp jatyr», «Kıiz úıde», «Keli túıip turǵan qazaq qyzy», «Qazaq qyzy Katıa», t.b. sýretteri osy kezeńde salynǵan. Osy ýaqyttarda ol 20-ǵa jýyq povest, 100-den astam óleń, 500-ge tarta sýret salǵan. Aqynnyń «Tús», «Táńiriniń qolynda eki balta» óleńderinde, «Egiz», «Varnak», «Baqytsyz» povesterinde jergilikti qazaqtardyń ómir salty arqaý etilgen. Shevchenko Mańǵystaýda 7 jyl bolyp, 1857 jyly bosatyldy.
1939 jyldan bastap aqynnyń esimin este qaldyrý maqsatynda Novopetrovsk bekinisi Fort-Shevchenko dep atala bastady. Almaty qalasynyń bir kóshesine onyń aty berilip, eskertkishi ornatyldy. Aqynnyń shyǵarmalary Á.Tájibaev, S.Muqanov, M.Álimbaev, T.Jarokov, t.b. aqyn-jazýshylardyń tárjimasymen qazaq tilinde jaryq kórdi.
10 4 jyl buryn (1900-1948) Horvatııanyń koroli bolǵan, ıtalıandyq koroldik Savoııa úıiniń hanzadasy knıaz Aımone Margarıta Marııa Djýzeppe dı Torıno dúnıege keldi.
8 5 jyl buryn (1929) Bangladeshtiń 19-shy prezıdenti Zıllýr RAHMAN dúnıege keldi.
80 jyl buryn (1934) Moldavan KSR halyq ártisi, KSRO halyq ártisi VOLONTIR Mıhaı Ermolaevıch dúnıege keldi.
80 jyl buryn (1934-1968) tuńǵysh ǵaryshker, polkovnık, Keńes Odaǵynyń Batyry GAGARIN ıÝrıı Alekseevıch dúnıege keldi.
Lıýbertsy qalasyndaǵy qolóner ýchılışesin, Saratov ındýstrııa tehnıkýmyn bitirgen. 1955-1957 jyldary Keńes Armııasy qatarynda bolyp, 1-shi Chkalov áskerı-avıatsııalyq ushqyshtar ýchılışesin bitirgennen keıin Soltústik flottyń joıǵysh avıatsııalyq bólimderinde qyzmet atqardy. 1960 jyly ǵaryshkerler qataryna alyndy. 1961 jyldan ǵaryshkerler otrıadynyń komandıri boldy. 1961 jyly sáýirdiń 12-inde adamzat tarıhynda tuńǵysh ret «Vostok» ǵarysh kemesimen Baıqońyr ǵarysh alańynan ǵaryshqa ushty. Ol jerdi aınalyp ushyp, 1 saǵat 48 mınýttan keıin Jerge qaıta qondy. Budan keıin ol ushqysh-ǵaryshker retinde óziniń ushý sheberligin jetildirip, ǵaryshkerlerdi úıretý-jattyqtyrý isine tikeleı aralasyp, ǵarysh kemeleriniń ushý protsesin basqarýǵa qatynasyp otyrdy. 1968 jyly Áskerı-áýe ınjenerlik akademııasyn bitirdi. 1964-1968 jyldary Ǵaryshkerlerdi daıarlaý ortalyǵy bastyǵynyń orynbasary boldy.
«Lenın» ordenimen, medaldarmen jáne kóptegen shet el ordenderimen marapattalǵan. Gagarınge Chehoslovakııanyń Sotsıalıstik Eńbek Eri, Bolgarııanyń Batyry, Vengrııanyń Eńbek Eri ataqtary berildi. Gagarın ushaqpen ushý kezinde qaza tapty. Máskeý oblysynyń Monınodaǵy Áskerı-áýe akademııasyna, Aıdyń arǵy betindegi kraterdiń birine Gagarın esimi berildi. 1968 jyly Halyqaralyq avıatsııalyq federatsııa ıÝ.Gagarın atyndaǵy altyn medal taǵaıyndady. Reseıdegi Ǵaryshkerlerdi daıyndaý ortalyǵy, Reseı Ǵylym akademııasynyń ǵylymı-zertteý kemesi, dúnıe júziniń kóptegen oqý oryndary, qalalar, kósheler men alańdar Gagarın esimimen atalady. Máıitiniń kúli Máskeýdiń Qyzyl alańyndaǵy Kreml qabyrǵasyna qoıylǵan.
5 7 jyl buryn (1957) Búkilálemdik banktiń Ortalyq Azııa elderi boıynsha dırektory MOTÝ Konıshı dúnıege keldi.
Na zanımaemoı doljnostı - s ıanvarıa 2012 goda.
Qyzylorda oblysynyń bilim basqarmasynyń bastyǵy buryn (1976) Qyzylorda oblysynyń bilim basqarmasynyń bastyǵy MUHIMOV Abzal Sansyzbaıuly dúnıege kelgen. Qyzylorda oblysynda týǵan. Qorqyt ata atyndaǵy Qyzylorda memlekettik ýnıversıtetin támamdaǵan. 1994-2001 jyldary Qyzylorda qalalyq jáne oblystyq telearnalarda (respýblıkalyq telearnalarda qosymsha) tilshi, aǵa redaktor qyzmetterin atqarǵan. 2001-2003 jyldary «Oblys ákiminiń janyndaǵy jastardy qoldaý ortalyǵy» MKK dırektory qyzmetin atqarǵan. 2003 jyly Qyzylorda oblysy, Syrdarııa aýdany, N.Іlııasov aýyldyq okrýginiń ákimi. 2003-2005 jyldary Qyzylorda oblysy, Syrdarııa aýdandyq mádenıet bóliminiń meńgerýshisi. 2005 jyly Qyzylorda oblysy ákimi apparatynyń bas mamany. 2005-2008 jyldary Qazaqstan Respýblıkasy Memlekettik qyzmet isteri jónindegi agenttigi basqarma bastyǵynyń orynbasary. 2008-2010 jyldary Qyzylorda qalasy ákiminiń orynbasary. 2010 jyly Qazaqstan Respblıkasy Indýstrııa jáne jańa tehnologııalar mınıstrligi kadrlyq jáne qujattamalyq qamtamasyz etý departamentiniń dırektory. 2010-2011 jyldary Qazaqstan Respýblıkasy Ekonomıkalyq damý jáne saýda mınıstrligi Óńirlik saıasat jáne bıýdjetaralyq qatynastar departamentiniń dırektory. 2011-2012 jyldary Qazaqstan Respýblıkasy Premer-Mınıstri Keńsesiniń Uıymdastyrý jumysy jáne aýmaqtyq damý bóliminiń bas ınspektory. 2012 jyldyń qańtar aıynan bastap Qyzylorda oblysynyń bilim basqarmasynyń bastyǵy.