9 naýryzda elimizdiń birqatar óńirinde aýa raıyna baılanysty eskertý jarııalandy
ASTANA. KAZINFORM – «Qazgıdromet» RMK sınoptıkteri 9 naýryzda Qazaqstannyń birqatar óńirinde daýyldy eskertý jarııalady.
Mańǵystaý oblysynyń batysy, soltústigi jáne ortalyǵynda kóktaıǵaq kútiledi. Kúndiz soltústik-batystan soqqan jeldiń ekpini 15-20 m/s, keı sátterde 23-28 m/s deıin jetedi. Aqtaýda 9 naýryzda kóktaıǵaq bolady, jel soltústik-batystan soǵady, ekpini 15-20 m/s shamasynda bolady.
Qostanaı oblysynyń shyǵysy men ońtústiginde, túnde oblystyń batysy men soltústiginde qar jaýady, burqasyn júredi, kóktaıǵaq bolady. Sonymen qatar, oblystyń batysy, soltústigi jáne ońtústiginde tuman túsedi dep boljanýda. Jel oblystyń soltústigi, shyǵysy jáne ońtústiginde batystan, soltústik-batystan soǵyp, ekpini 15-20 m/s bolady. Aýa temperatýrasy túnde oblys ortalyǵynda 17-22 gradýs aıaz, batysy men soltústiginde 25 gradýs aıazǵa deıin, ońtústiginde 7-12 gradýs aıaz deńgeıinde bolady. Qostanaı qalasynda 9 naýryzda túnde 19-21 gradýs aıaz, azdap qar jaýýy jáne jaıaý burqasyn bolýy múmkin.
Qyzylorda oblysynyń soltústigi men ońtústiginde tańerteń jáne kúndiz jaýyn-shashyn (jańbyr, qar) jaýady, kóktaıǵaq bolady. Soltústiginde kúndiz burqasyn júrýi yqtımal. Sonymen qatar oblystyń soltústigi men ortalyǵynda tuman túsedi. Jel batystan, ońtústik-batystan soǵyp, ekpini 15-20 m/s, keıde 25 m/s-ge deıin jetedi. Qyzylorda qalasynda 9 naýryzda keı ýaqytta tuman bolýy múmkin.
Jambyl oblysynyń taýly aýdandarynda tańerteń jáne kúndiz qatty jańbyr jaýady, oblystyń ońtústigi, shyǵysy jáne taýly aımaqtarynda tuman túsedi. Taýly aýdandarda soltústik-batystan soqqan jeldiń ekpini 15-20 m/s, keıde 23-28 m/s deıin jetedi. Taraz qalasynda 9 naýryzda keı ýaqytta tuman bolýy yqtımal.
Abaı oblysynyń soltústigi, shyǵysy jáne ortalyǵynda jaýyn-shashyn (jańbyr, qar) jaýady, kóktaıǵaq jáne jaıaý burqasyn bolady. Oblystyń ońtústigi men shyǵysynda tuman túsedi. Jel oblystyń batysy, soltústigi jáne ortalyǵynda ońtústik-batystan soǵyp, ekpini 15-20 m/s bolady. Semeı qalasynda 9 naýryzda kúnniń ekinshi jartysynda kóktaıǵaq kútiledi.
Aqtóbe oblysynyń batysy, soltústigi, batysy jáne ortalyǵynda 9 naýryzda túnde jáne kúndiz qar jaýyp, jaıaý burqasyn kútiledi. Jel ońtústik-batystan soltústik-batysqa aýysyp, túnde oblystyń soltústiginde, kúndiz batysynda, ońtústiginde jáne ortalyǵynda ekpini 15-20 m/s, keı jerlerde 23 m/s deıin jetedi. Aqtóbe qalasynda túnde qar jaýyp, jaıaý burqasyn bolady, jeldiń ekpini 15 m/s shamasynda.
Soltústik Qazaqstan oblysynda túnde, al kúndiz oblystyń ońtústigi men batysynda qar jaýyp, burqasyn bolady, kóktaıǵaq jáne tuman kútiledi. Jel ońtústik-batystan jáne batystan soǵyp, túnde oblystyń ońtústigi men batysynda ekpini 23-28 m/s, kúndiz soltústik pen ońtústiginde 15-20 m/s bolady. Petropavl qalasynda 9 naýryzda túnde qar jaýyp, burqasyn jáne kóktaıǵaq bolady, jeldiń ekpini 15-20 m/s.
Pavlodar oblysynyń batysy, soltústigi jáne shyǵysynda jańbyr men qar jaýyp, kóktaıǵaq pen jaıaý burqasyn bolady dep boljanýda. Túnde bul aımaqtarda ońtústik-batystan jel soǵyp, ekpini 15-20 m/s shamasynda bolady. Pavlodar qalasynda 9 naýryzda túnde kóktaıǵaq kútiledi, jel ońtústik-batystan soǵady, ekpini 15-20 m/s.
Batys Qazaqstan oblysynyń batysy, soltústigi jáne ońtústiginde qar jaýyp, jaıaý burqasyn bolady, al oblystyń batysy men ońtústiginde tuman túsedi. Jel soltústik-batystan soǵyp, ekpini 15-20 m/s bolady. Oral qalasynda 9 naýryzda kúndiz jaıaý burqasyn jáne soltústik-batystan soqqan jeldiń ekpini 15-20 m/s kútiledi.
