9 naýryz. Tulǵalar týǵan kún
Búgin, 9 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
71 jylburyn (1953) kórnekti sýretshi, QR Kórkemóner akademııasynyń múshesi, T. Júrgenov atyndaǵy Qazaq ulttyq óner akademııasynyń professory Álibaı Qaltaıuly BAPANOV dúnıege kelgen.
Qyzylorda oblysynda týǵan. 1973 jyly N.V.Gogol atyndaǵy Almaty kórkemsýret ýchılışesin, 1979 jyly V.I.Sýrıkov atyndaǵy Máskeý memlekettik kórkemsýret ınstıtýtyn bitirgen.
Eńbek joly: 1981 jyldan N.V.Gogol atyndaǵy Almaty kórkemsýret ýchılışesiniń arnaýly pánder oqytýshysy, T.Júrgenov atyndaǵy Qazaq ulttyq óner akademııasynyń oqytýshysy.
Kóptegen sýret, tús kilemderdiń avtory, onyń týyndylary QR Prezıdentiniń rezıdentsııasyn, «Aq bulaq» demalys úıiniń banket zalyn bezendirip tur. Sýretshi eńbekteri kóptegen respýblıkalyq, halyqaralyq kórmelerde, sımpozıýmdarda kórsetildi. Solardyń qatarynda: búkilodaqtyq «Senej» shyǵarmashylyq toby (RSFSR, 1986); Kann halyqaralyq kórmesi (Frantsııa, 1989); «Kórkemsýret tekstıli-1989» halyqaralyq konkýrsy (Rıga); Polshadaǵy kilemder halyqaralyq konkýrsy (1994); Túrkııadaǵy halyqaralyq kilemder konkýrsy (1995); Tegerandaǵy Musylman elderiniń halyqaralyq óner festıvali (1995); «Kıiz-98» halyqaralyq sımpozıýmy (Vılnıýs, 1998); II Halyqaralyq sımpozıým (Danııa, 1998), t.b. bar.
Onyń sýretteri Qazaqstan, Reseı, Ýkraına, Polsha, Danııa, Ispanııa mýzeılerinde, Qazaqstan, Frantsııa, Amerıka, Lıhtenshteın, Túrkııa, Germanııa, Shvetsııa, Shveıtsarııa elderindegi jekemenshik kollektsııalarda saqtaýly.
«Eren eńbegi úshin» medalimen (2003); QR Mádenıet mınıstrliginiń qurmet gramotasymen marapattalǵan.
61 jyl buryn (1963) «Órleý» biliktilikti arttyrý ulttyq ortalyǵy» AQ-nyń Qostanaı oblysyndaǵy fılıalynyń dırektory Marıonella Vasılevna SLESARЬ dúnıege keldi.
1985 jyly Qostanaı pedagogıkalyq ınstıtýtyn (shet tilder fakýlteti) «Frantsýz jáne nemis tili muǵalimi» biliktiligi boıynsha bitirgen.
Eńbek joly: 1985 jyly Qostanaı oblysy, Lenın aýdany, № 2 Lenın orta mektebinde shet tili muǵalimi, 1992 jyly Qostanaı oblysy Lenın aýdany, №2 Lenın atyndaǵy orta mektep dırektorynyń oqý isi jónindegi orynbasary, 1994 jyly Qostanaı oblysy Lenın aýdany No 2 Lenın orta mektebiniń dırektory, 1996 jyly Qostanaı oblysy Lenın aýdany oblystyq bilim bóliminiń basshysy, 2004 jyly Qostanaı oblysy Uzynkól aýdany ákiminiń orynbasary laýazymyn atqarǵan. 2010 jyly Qostanaı oblysy ákimdiginiń mádenıet basqarmasynyń basshysy, 2012 jyly QR Bilim jáne ǵylym mınıstrliginiń «Qostanaı oblysy boıynsha pedagogıkalyq qyzmetkerlerdiń biliktiligin arttyrý ınstıtýty» respýblıkalyq memlekettik qazynalyq kásiporny dırektorynyń m.a. bolyp qyzmet atqarǵan.
Qazirgi qyzmetin 2012 jyldyń qyrkúıeginen beri atqaryp keledi.
Oblys ákiminiń Qurmet gramotalarymen, «Qazaqstan Respýblıkasynyń Táýelsizdigine 20 jyl», «Astanaǵa 10 jyl» medaldarymen marapattalǵan.
54 jyl buryn (1970) Aqmola oblysy Arshaly aýdanynyń ákimi Murat Saǵatuly BALPAN dúnıege keldi.
Aqmola oblysy Aqkól aýdanynda týǵan. Qaraǵandy memlekettik tehnıkalyq ýnıversıtetin, A.Myrzahmetov atyndaǵy Kókshetaý ýnıversıtetin bitirgen.
Eńbek joly: 1989 jyly Aqkól aýdany "Hleborob" sovhozynyń qurylys ýchaskesiniń jumysshysy, 1991-1994 jyldary Aqkól aýdany "Hleborob" keńsharynda tokar, brıgadır kómekshisi, MTF brıgadıri, 1994-1998 jyldary Naýmovka aýyldyq ákimshiliginiń basshysy, Aqmola oblysy Aqkól aýdany Naýmovka aýyldyq okrýginiń ákimi, 1998-1999 jyldary Aqmola oblysy ákimi apparatynyń uıymdastyrý-baqylaý bóliminiń konsýltanty, 1999-2000 jyldary Aqmola oblysy Tselınograd aýdany ákimi apparatynyń basshysy bolyp qyzmet atqarǵan. 2000-2008 jyldary Aqmola oblysy Aqkól aýdany ákiminiń orynbasary, 2008-2009 jyldary "QTJ" UK " AQ fılıaly bólimsheleriniń basshylyq laýazymdarynda jumys atqardy. 2009-2011 jyldary "Básekelestik saıasatty damytý jáne qorǵaý ortalyǵy" AQ departamentiniń dırektory, 2011 jyly QR Básekelestikti qorǵaý agenttigi memlekettik organdardyń básekelestikke qarsy is-áreketterin tekserý basqarmasynyń bastyǵy, 2011-2012 jyldary QR Básekelestikti qorǵaý agenttiginiń Qostanaı jáne Soltústik Qazaqstan oblystary boıynsha óńiraralyq ınspektsııasynyń bastyǵy, 2012-2014 jyldary Aqmola oblysy Bulandy aýdanynyń ákimi, 2014-2015 jyldary Aqmola oblysynyń kásipkerlik jáne ónerkásip basqarmasy basshysynyń orynbasary, 2015-2017 jyldary Aqmola oblysy Aýyl sharýashylyǵy basqarmasynyń basshysy, 2017-2021 jyldary Aqmola oblysy Jarqaıyń aýdanynyń ákimi qyzmetinde boldy.
42 jyl buryn (1982)VIII saılanǵan Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń múshesi Samat Rýslanuly NURTAZA dúnıege keldi.
Taldyqorǵan qalasynda dúnıege kelgen. 2003 jyly Ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakýltetin bitirgen. 2017 jyly Ulybrıtanııanyń Sheffılld qalasynda «Bolashaq» baǵdarlamasy boıynsha magıstratýrany bitirgen. Zapastaǵy leıtenant.
2005-2007 jyldary Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń oqytýshysy, 2007-2009 jyldary Shet tilder jáne iskerlik karera ýnıversıtetiniń oqytýshysy, 2009-2011 jyldary Ortalyq Azııa ýnıversıteti fılıalynyń basshysy, 2012-2014 jyldary "Azamattyq avıatsııa akademııasy" AQ halyqaralyq ortalyǵynyń basshysy qyzmetinde boldy. 2017-2019 jyldary "Qazaqstan" RTRK-da BAQ-pen jumys bóliminiń basshysy, 2019-2021 jyldary Eýrazııalyq ıntegratsııada BAQ-pen jumys jónindegi ortalyqtyń basshysy, 2022-2023 jyldary "Qoǵamdyq kelisim" RMM dırektorynyń orynbasary qyzmetin atqardy.
Qazirgi qyzmetin 2023 jylǵy naýryzdan bastap atqaryp keledi.
«Qurmet» ordenimen jáne «Eren eńbegi úshin» medalimen marapattalǵan.
69 jyl buryn (1955-2016) belgili ǵalym, tehnıka ǵylymdarynyń doktory, professor Skanderbek Ómirbekuly JOLDASBEKOV dúnıege kelgen.
Shymkentte týǵan. 1977 jyly S.M.Kırov atyndaǵy Qazaq memlekettik ýnıversıtetiniń mehanıka jáne qoldanbaly matematıka fakýltetin bitirgen.
Eńbek joly: 1978 jyly Almaty aýyr mashına jasaý zaýytynyń komsomol komıteti hatshysynyń orynbasary, 1978-1981 jyldary Qazaqstannyń LKJO Almaty oblystyq komıteti komsomol kadrlar sektorynyń ınstrýktory, meńgerýshisi, 1981-1983 jyldary Qazaq KSR Ǵylym akademııasynyń Mehanıka jáne mashınataný ınstıtýtynyń kishi ǵylymı qyzmetkeri, 1983-1989 jyldary Qazaq KSR Ǵylym akademııasynyń Mehanıka jáne mashınataný ınstıtýtynyń aǵa ǵylymı qyzmetkeri, 1989-1990 jyldary Qazaq KSR Ǵylym akademııasynyń Mehanıka jáne mashınataný ınstıtýtynyń bas ǵylymı qyzmetkeri, 1990-1992 jyldary «Mashınajasaý» respýblıkalyq ǵylymı-ınjenerlik ortalyǵynyń dırektory, 1992 jyldary QR Premer-Mınıstriniń keńesshisi qyzmetin atqarǵan. 1992-1993 jyldary QR Prezıdenti jáne Mınıstrler Kabıneti apparatynyń ǵylymı-tehnıkalyq progress bólimi meńgerýshisiniń orynbasary, 1993-1995 jyldary QR Premer-Mınıstriniń kómekshisi, 1995-1997 jyldary QR Ǵylym akademııasy Mehanıka jáne mashınataný ınstıtýtynyń dırektory, 1997-1998 jyldary QR ǵylym mınıstriniń - Ǵylym akademııasy prezıdentiniń orynbasary, 1998 jyldan «Mashınajasaý» salaaralyq ǵylymı-tehnologııalyq ortalyǵy» Respýblıkalyq memlekettik qazynalyq kásipornynyń bas dırektory, 2010 jyldan akademık Ó.A.Joldasbekov atyndaǵy Mehanıka jáne mashınataný ınstıtýtynyń dırektory boldy.
Joǵary synyptaǵy mehanızmder teorııasyna qosqan súbeli úlesi úshin V.G. Shýhov atyndaǵy halyqaralyq altyn medalmen marapattalǵan.
