9 myńnan astam jer telimi memleket menshigine qaıtaryldy - S.Ahmetov
ASTANA. 5 qazan. QazAqparat - 9 myńnan astam jer telimi memleket menshigine qaıtaryldy. Búgin Astanada «Nur Otan» HDP-nyń QR Parlamenti Májilisindegi fraktsııasynyń keńeıtilgen jınalysynda QR Úkimet basshysy Serik Ahmetov osylaı málim etti.
Alqaly jıyn barysynda halyq qalaýlysy Álıhan Toıbaev Premer-Mınıstrden paıdalanylmaı jatqan jeke turǵyn úı salýǵa berilgen jer telimderi men aýyl sharýashylyǵy jerlerin memleketke qaıtarý jumystary qalaı órbip jatqandyǵyn suraǵan bolatyn.
«Bul másele, ózderińiz biletindeı, óte kúrdeli, - dep atap ótti Úkimet basshysy. - Elbasynyń tapsyrmasy boıynsha QR Jer resýrstaryn basqarý agenttigi osy jumysty bastady. Máselen, jeke turǵyn úı salýǵa berilgen barlyq jer telimderi tekserýden ótti. Búgingi kúni 9 myńnan astam jer telimi memleket menshigine qaıtaryldy».
Osy rette S.Ahmetov taıaý aralyqta agenttik atqarylǵan jumystar boıynsha Parlamenkte esep beretindigin basa aıtty.
«Al aýyl sharýashylyǵy jerleri de osyndaı tekserýden ótedi. Joǵaryda atap ótkenimdeı, bul da óte kúrdeli másele. Ony sheshý ári jaqsartý úshin Úkimette tıisti zań daıyndaldy. Ony biz taıaýda Parlamentke jiberetin bolamyz», - dedi Premer-Mınıstr.
