9 myńǵa jýyq muǵalim aǵylshyn tilinde oqytý kýrsynan ótip jatyr

ASTANA. QazAqparat - Jaratylystaný ǵylymdary baǵytyndaǵy pánderdi aǵylshyn tilinde oqytý úshin bıyl 8871 muǵalim biliktilikti arttyrýdyń tildik kýrstarynan ótedi. Bul jaıly májilismenderdiń depýtattyq saýalyna jaýap bergen Úkimet basshysy Baqytjan Saǵyntaev aıtty, dep habarlaıdy QazAqparat tilshisi. 

«Mınıstrlik (BǴM - avt.) jergilikti atqarýshy organdarmen birlecip joǵary synyptarda jaratylystaný ǵylymdary baǵytyndaǵy (JǴB) pánderdi oqytýdy uıymdastyrý úshin pedagogıkalyq kadrlardyń aldyn ala qajetti sany 18,4 myń adam ekenin anyqtady. Sondaı-aq, vedomstvo bilim berý uıymdaryn, onyń ishinde aýyl mektepterin kadrlyq qamtamasyz etý boıynsha sharalar qabyldady. Osylaısha 2016-2017 jyldary biliktilikti arttyrý kýrstarymen aǵylshyn tilinde oqytýdyń «Clil» ádistemesi boıynsha 12 337 JǴB pániniń muǵalimi qamtyldy (8385 muǵalim A2 deńgeıinde, 3952 - V1-S2 deńgeıinde). 2018 jyly 8871 muǵalim kýrstardy jalǵastyrady (V2 deńgeıine deıin). Atalǵan kýrstarmen 2019 jáne 2021 jyldary 3050 muǵalim qamtylatyn bolady», - delingen Parlament Májilisiniń saıtynda ornalastyrylǵan Premer-Mınıstrdiń jaýabynda.

Jaýapqa sáıkes, aǵymdaǵy oqý jylynda 2095 pedagog JǴB pánderin aǵylshyn tilinde oqytýda (nemese aǵylshyn tilinde oqytýdyń pán elementterin qoldanýda). Kýrstardan ótkeni týraly sertıfıkat alǵan sátten bastap muǵalimder mektepte keminde 3 jyl jumys icteýge mindetti.

«Zeınetkerlik jasqa (58 jas jáne odan joǵary) jaqyn (JǴB pánderi boıynsha) muǵalimder sany 3632 adamdy quraıdy. Olardyń ishindegi 2157 pán muǵaliminiń tildik kýrstarda oqýdan bas tartýy kadrlarmen qamtamasyz etý máselesin sheshýge keri ácerin tıgizbeıdi. Bıylǵy oqý jylynda 76 joǵary oqý ornynda aǵylshyn tilindegi pedagogıkalyq mamandyqtar boıynsha 6 677 adam bilim alyp jatyr», - delingen jaýapta.

Memleket basshysynyń Bes áleýmettik bastamasynyń birine sáıkes, bıyl stýdentterge qosymsha 20 myń bilim berý granty bólinetini belgili. Úkimet basshysynyń habarlaýynsha, 20 myń granttyń myńy pedagogıkalyq mamandyqtarǵa, sonyń ishinde aǵylshyn tilinde oqytatyn mamandyqtarǵa bólingen.

«Osyǵan baılanysty kórsetilgen sharalardy icke asyrý mektepterdi kadrmen qamtamasyz etý máselesin sheshýge yqpal etetin bolady», - dep jaýap berdi Baqytjan Saǵyntaev.

Aıta ketsek, «Nur Otan» partııasy fraktsııasynyń bir top músheleri (I. Aronova, E. Bekturǵanov, Q. Erjan, B. Ertaev, Q. Jaqypov, J. Jarasov, Q. Sultanov, A. Tasbolatov, B. Іzmuhambetov, ıÝ. Tımoşenko) úshtildik bilim berý júıesi boıynsha kadrlyq máseleler qalaı sheshiletinin bilmek maqsatta Úkimet basshysy Baqytjan Saǵyntaevqa depýtattyq saýal joldaǵan bolatyn.