9 myń aqmolalyq donorlyq qan tapsyrǵan
KÓKShETAÝ. QazAqparat - Aqmola oblysynda barlyǵy 9 myńǵa jýyq donor tirkelgen, dep habarlaıdy "QazAqparat" HAA tilshisi.
Oblystyq densaýlyq saqtaý basqarmasy baspasóz qyzmetiniń məlimeti boıynsha, medıtsına salasy qyzmetkerleriniń kəsibı merekesi qarsańynda Kókshetaý qalasynda "Qan tapsyr da - ómirdi saqta" aktsııasy ótýde.
Jyl saıyn uıymdastyrylatyn dəstúrli sharaǵa medıtsınalyq mekemelerdiń qyzmetkerleri men bas dərigerleri qatysýda.
«Donor retinde qan tapsyrý ıgi is. Qan tapsyrmas buryn aldymen dərigerdiń keńesine qulaq asqan abzal. Qan tapsyrar aldynda dıeta ustap, alkogoldi ishimdikten bas tartý kerek, sondaı-aq organızmge qajetti mıkroelemetterdi tutynýy qajet», - deıdi Aqmola oblystyq Qan ortalyǵynyń bas dárigeri Sáken Qalymjanov.
Aıta keteıik, donorlardan alynǵan qan birinshi kezekte oblystyq balalar aýrýhanasyna, aýyr həldegi naýqastarǵa jáne onkologııalyq syrqattarǵa shaldyqqandarǵa tapsyrylatyn bolady.
Osy kúni oblysta barlyǵy 8797 donor tirkelgen. Onyń 1648 birinshi ret qan tapsyrǵandar.
Jalpy, ótken jyly oblys boıynsha Qan ortalyǵyna donor bolýy úshin 14 177 adam júgingen. Nətıjesinde 6714,7 lıtr konservilengen qan daıyndaldy.
