9 mınýtta 12 zań buzýshylyq: Qarsy baǵytta júrgen «Land Cruiser» júrgizýshisi jazalandy
ALMATY. QazAqparat - Almatyda Abaı men Seıfýllın dańǵyldarynyń qıylysynda qarsy jolaqta kele jatqan jol talǵamaıtyn kólik júrgizýshisin Ákimshilik kodekstiń birneshe baby boıynsha jaýapqa tartyldy, dep habarlaıdy QazAqparat Polisia.kz saıtyna silteme jasap.
– Azamat «E» 19 jasta. Onyń 30 tamyzda tańerteń jol qozǵalysy erejelerin óreskel buzǵany anyqtaldy. Abaı dańǵylymen batys baǵytta kele jatyp, Seıfýllın men Muqanov arasyndaǵy aralyqta eki ret qarsy jolaqqa shyǵyp ketken. Belgisiz qalý úshin jas jigit mashınadan memlekettik tirkeý nómirlik belgilerin alyp tastaǵan. Bizdiń bólimniń qyzmetkerleri qaladaǵy beınebaqylaý júıelerin qoldanyp, buzaqyny anyqtady. Onyń júrgen barlyq baǵyty tekserildi. Toǵyz mınýt ishinde ol jol erejesin 12 ret buzǵan, – dedi Almaty qalalyq PD jergilikti Polıtsııa qyzmeti basqarmasy bastyǵynyń orynbasary Erik Nasyrbekov.
«Toyota Land Cruiser» júrgizýshisine qatysty 12 ákimshilik hattama toltyryldy. Oǵan salynǵan aıyppul mólsheri 225 myń teńge. Óndiristik materıaldar Almaty qalasyndaǵy SMAS-qa jiberildi. Bul quqyq buzýshylyq túri kólik quralyn basqarý quqyǵynan aıyrýdy qarastyrady.
