9 maýsymda ótetin mańyzdy sharalar ańdatpasy
NUR-SULTAN
9.00-de «Wyndham Garden Astana» qonaq úıinde QR TJM Ónerkásiptik qaýipsizdik komıteti Qazaq taý-ken qadaǵalaý basqarmasynyń qurylǵanyna 100 jyl tolǵanyn atap ótedi.
Saltanatty sharaǵa Tótenshe jaǵdaılar mınıstri ıÝrıı Ilın, TJM basshylary men qyzmetkerleri, azamattyq qorǵaý ardagerleri men ónerkásip kásiporyndarynyń ókilderi qatysady.
11.30-da «Nurly Orda» bıznes ortalyǵynda Qazaqstandyq qoǵamdyq damý ınstıtýty alańynda «Referendým qorytyndysy: ekspertter pikiri» taqyrybynda «Sarap» ekspert klýbynyń otyrysy josparlanǵan.
12.30-da QR Prezıdenti janyndaǵy ortalyq kommýnıkatsııalar qyzmetinde «Ekinshi respýblıka. Jańa saıası modelge kóshý» taqyrybynda baspasóz máslıhaty ótýi tıis.
Spıker: QR Ádilet vıtse-mınıstri Alma Qaıratqyzy Muqanova.
Kórsetilim siltemeleri: Youtube jáne Facebook.
14.00-de Nazarbaev Ýnıversıteti mańynda atalǵan oqý ornynyń stýdentterine arnalǵan dástúrli aǵash otyrǵyzý rásimi ótkiziledi.
15.10-da QR Syrtqy ister mınıstriniń birinshi orynbasary Aqan Rahmetýllın men BUU Bas hatshysynyń birinshi orynbasary Amına Mohammedtiń qatysýymen baspasóz konferentsııasy josparlanǵan.
16.00-de «Hılton» qonaqúıinde QR Prezıdentiniń qatysýymen sheteldik ınvestorlar keńesi ótpek.
ALMATY
12.00-de Kardıologııa jáne ishki aýrýlar ınstıtýtynda perfýzıolog dárigerler úshin «Perfýzııa jáne jasandy qanaınalym salasyndaǵy ınnovatsııalar» taqyrybynda master klass bolady.
Aýtotransfýzııany klınıkalyq qoldanýdyń tereńdetilgen kýrsyn Eýropanyń perfýzııa jáne jasandy qanaınalym salasyndaǵy jetekshi mamany, doktor Youssef El Dsouki (Frantsııa) ótkizedi.