9 maýsym kúni Qazaqstanda ótetin mańyzdy oqıǵalarǵa sholý
ASTANA. QazAqparat - Erteń, 9 maýsym kúni Astana men Almatyda birqatar mańyzdy sharalar uıymdastyrylady. Respýblıkanyń basqa aımaqtarynda da qoǵamdyq mańyzy bar oqıǵalar bolady, dep xabarlaıdy QazAqparat tilshisi.
ASTANA
9:00-de «Astana-Arena» alańynda shaǵyn fýtboldan munaı-gaz salasy men buqaralyq aqparat quraldary komandalary arasynda «ELORDA-2018» qaıyrymdylyq týrnıri ótedi.
9:30-da «Pekın-Palas» qonaq úıinde QHR zertteý ortalyǵy Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtymen birge «Qazirgi Qytaı: suraqtar men jaýaptar» dep atalatyn kezekti semınar ótkizedi.
18:00-de «Barys-Arena» muz saraıynda «Denıs jáne dostar» shoýy bastalady.
ALMATY
«Nur Otan» partııasy Tóraǵasynyń birinshi orynbasary Máýlen Áshimbaev jumys saparymen Almatyǵa keledi.
11:00-de Almaty qalasy Alataý aýdanyndaǵy Qarasý kóliniń jaǵalaýynda jazǵy sahna (amfıteatr) ashylady.
ATYRAÝ OBLYSY
Saǵat 10.30-da «Bomond» bılıard zalynda memlekettik qyzmet organdaryna 20 jyl tolýyna oraı bılıardtan jarys ótedi.
17.00-19.00-de H.Dosmuhamedov atyndaǵy Atyraý memlekettik ýnıversıtetinde «Atyraý oblysynyń olımpıadalyq sport túrleriniń damý jaǵdaıy men sport túrlerin saralaý boıynsha ózekti máseleler» taqyrybynda Qazaqstan Respýblıkasy Ulttyq Olımpıadalyq komıteti ókilderimen dırektsııa basshysy E.Qanaǵatovtyń qatysýymen keńes otyrysy ótedi.
