9 maýsym. Tulǵalar týǵan kún
Búgin, 9 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
86 jyl buryn (1939) medıtsına ǵylymdarynyń doktory, professor, Qazaqstan júrek-qan tamyrlary hırýrgtary qaýymdastyǵynyń tóraǵasy, Qazaqstannyń profılaktıkalyq medıtsına akademııasynyń akademıgi Seıithan Joshybaıuly JOShYBAEV dúnıege keldi.
Ol Jambyl oblysy Turar Rysqulov aýdany (burynǵy Lýgovoı aýdany) Aqyrtóbe aýylynda týǵan. Qyrǵyz memlekettik medıtsına ınstıtýtyn, KSRO Medıtsına ǵylymdary akademııasynyń A.Bakýlev atyndaǵy Júrek-qan tamyrlary ǵylymı-zertteý ınstıtýtynyń aspırantýrasyn bitirgen.
1970-1984 jyldary Bishkekte hırýrg, medıtsınalyq ınstıtýtynyń jalpy hırýrgııa kafedrasynyń assıstenti, Qyrǵyz Respýblıkasy Densaýlyq saqtaý mınıstrliginiń Respýblıkalyq kardıologııa ortalyǵynyń meńgerýshisi, 1984-1992 jyldary A.Syzǵanov atyndaǵy klınıkalyq jáne tájirıbelik hırýrgııa ǵylymı-zertteý ınstıtýty júrek-qan tamyrlary bóliminiń jetekshisi boldy. 2007 jyldan bastap Taraz qalasyndaǵy Kardıohırýrgııa ortalyǵynyń dırektory qyzmetin atqarýda.
S.Joshybaev Kardıologııa jónindegi kóptegen halyqaralyq uıymdar men odaqtardyń qurmetti múshesi. Ol tájirıbe almasý maqsatynda Mońǵolııa, Vengrııa, Germanııa, Úndistan, AQSh, Anglııa, Kanada, Polsha, Chehııa jáne taǵy basqa elderdiń arnaıy mamandandyrylǵan klınıkalarynda boldy.
2008 jyly «Parasat», 2014 jyly ІІ dárejeli «Barys», 2019 jyly «Dostyq», 2021 jyly ІІІ dárejeli «Barys» ordenderimen, Qyrǵyzstan men Qazaqstannyń birneshe medaldarymen marapattalǵan.
49 jyl buryn (1976) Qazaqstan Respýblıkasy Prezıdenti Ákimshiliginiń áleýmettik-ekonomıkalyq josparlaý bólimi meńgerýshisiniń orynbasary Sardar Serikuly QABDÝLOV dúnıege keldi.
Almaty qalasynda týǵan.
Qazaq memlekettik basqarý akademııasyn bitirgen.
Eńbek joly: memlekettik qyzmet júıesindegi basshy laýazymyn atqardy; Almaty qalasy Ekonomıka jáne bıýdjettik josparlaý basqarmasynyń basshysy; Azyq-túlik korporatsııasy tóraǵasynyń orynbasary; Qazaqstan Respýblıkasy Prezıdenti Ákimshiliginiń memlekettik ınspektory.
2025 jyldyń sáýirinen bastap qazirgi qyzmetinde.
45 jyl buryn (1980) Almaty oblysy ákiminiń birinshi orynbasary Nurlan Erǵalıuly ÁBDІRAHYM dúnıege keldi.
Jambyl qalasynda týǵan. «Qaınar» ýnıversıtetin «zańger» mamandyǵy boıynsha, Iel menedjment mektebin bitirdi.
Eńbek joly: 2001-2002 jyldary «Astanaenergoservıs» AAQ baqylaýshysy, 2002-2007 jyldary QR Ádilet mınıstrliginde jetekshi, bas maman, bólim bastyǵy, basqarma bastyǵynyń orynbasary, bastyǵy, zańnama departamenti dırektorynyń orynbasary, 2007 jyly QR Ádilet mınıstrligi normatıvtik quqyqtyq aktilerdi tirkeý departamentiniń dırektory, 2007-2009 jyldary QR Ádilet mınıstrliginiń shaǵyn zań aktileri departamentiniń dırektory, 2009-2012 jyldary QR Ádilet mınıstrliginiń Zııatkerlik menshik quqyǵy komıtetiniń tóraǵasy, 2012-2021 jyldary QR Prezıdenti Ákimshiliginiń memlekettik ınspektory, 2021-2023 jyldary QR Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary bolyp qyzmet atqarǵan.
Qazirgi qyzmetin 2023 jyldyń sáýir aıynan atqaryp keledi.
38 jyl buryn (1987) Mańǵystaý oblysy tabıǵı resýrstar jáne tabıǵatty paıdalanýdy retteý basqarmasynyń basshysy Sábıt Qadruly DÚISEKENOV dúnıege keldi.
Batys Qazaqstan oblysy,Oral qalasynda dúnıege kelgen. Jáńgir han atyndaǵy Batys Qazaqstan agrarlyq-tehnıkalyq ýnıversıtetin (2012); M.Ótemisov atyndaǵy Batys Qazaqstan memlekettik ýnıversıtetin (2014); M.Áýezov atyndaǵy Ońtústik Qazaqstan memlekettik ýnıversıtetin bitirgen (2016).
Eńbek joly: Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotozooprom» RMK Kendirli-Qaıasan memlekettik qoryq aımaǵynyń kúzet qyzmetiniń bastyǵy (2012-2014); Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» RMK Batys óńirlik fılıalynyń dırektory (2014-2017); Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom PO» RMK Kendirli-Qaıasan memlekettik qoryq aımaǵynyń kúzet qyzmetiniń bastyǵy, Qazaqstan Respýblıkasy Mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» PU» RMK Oral aýdandyq fılıalynyń basshysy, Qazaqstan Respýblıkasy Tabıǵı resýrstar mınıstrligi jáne Ge17; Qazaqstan Respýblıkasy Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» RMK Aqtóbe oblystyq fılıalynyń basshysy (2017-2023); Aqtóbe oblysy Qobdy aýdany ákiminiń orynbasary (2023); «Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasy» memlekettik mekemesiniń basshysy (2023-2024); Aqtóbe oblysy Qobdy aýdany ákiminiń orynbasary (2024-2025).
2025 jyldyń qańtar aıynan bastap qazirgi qyzmetinde.
76 jyl buryn (1939-2024) keńestik jáne qazaq qobyzshysy, aspapshy, mýzyka muǵalimi, professor Merýert Qabekenqyzy KALENBAEVA dúnıege kelgen.
Batys Qazaqstan oblysy, Ýrda aýdanynda dúnıege kelgen.
K.Baıseıitova atyndaǵy respýblıkalyq daryndy balalarǵa arnalǵan mýzyka mektebin bitirgen (1956); Qurmanǵazy atyndaǵy Qazaq memlekettik konservatorııasynyń halyq aspaptar fakýltetin orkestr ártisi, kontserttik oryndaýshy mamandyǵy boıynsha bitirgen (1961).
Eńbek joly: Qurmanǵazy atyndaǵy Qazaq memlekettik akademııalyq halyq aspaptar orkestriniń ártisi (1961); bas qobyzshy, Qurmanǵazy atyndaǵy Qazaq memlekettik akademııalyq halyq aspaptar orkestriniń súıemeldeýshisi (1961-1979); Kúlásh Baıseıitova atyndaǵy daryndy balalarǵa arnalǵan respýblıkalyq mýzykalyq orta mekteptiń muǵalimi (1989-2009); Qurmanǵazy atyndaǵy Qazaq ulttyq konservatorııasynyń qobyz jáne baıan kafedrasynyń oqytýshysy, dotsenti, professory (1979).
Qazaq KSR eńbek sińirgen ártisi (1977). Mádenıet salasyndaǵy Qazaqstan Respýblıkasy Memlekettik stıpendııasynyń laýreaty (2017).