9 maýsym. Kazinform kúntizbesi. Tulǵalar týǵan kún

ESІMDER

87 jyl buryn (1939) medıtsına ǵylymdarynyń doktory, professor, Qazaqstan júrek-qan tamyrlary hırýrgtary qaýymdastyǵynyń tóraǵasy, Qazaqstannyń profılaktıkalyq medıtsına akademııasynyń akademıgi Seıithan Joshybaıuly JOShYBAEV dúnıege keldi.

Jambyl oblysy Turar Rysqulov aýdany (burynǵy Lýgovoı aýdany) Aqyrtóbe aýylynda týǵan. Qyrǵyz memlekettik medıtsına ınstıtýtyn, KSRO Medıtsına ǵylymdary akademııasynyń A.Bakýlev atyndaǵy Júrek-qan tamyrlary ǵylymı-zertteý ınstıtýtynyń aspırantýrasyn bitirgen.

1970-1984 jyldary Bishkekte hırýrg, medıtsınalyq ınstıtýtynyń jalpy hırýrgııa kafedrasynyń assıstenti, Qyrǵyz Respýblıkasy Densaýlyq saqtaý mınıstrliginiń Respýblıkalyq kardıologııa ortalyǵynyń meńgerýshisi, 1984-1992 jyldary A.Syzǵanov atyndaǵy klınıkalyq jáne tájirıbelik hırýrgııa ǵylymı-zertteý ınstıtýty júrek-qan tamyrlary bóliminiń jetekshisi boldy. 2007 jyldan bastap Taraz qalasyndaǵy Kardıohırýrgııa ortalyǵynyń dırektory qyzmetin atqarýda.

S.Joshybaev Kardıologııa jónindegi kóptegen halyqaralyq uıymdar men odaqtardyń qurmetti múshesi. Ol tájirıbe almasý maqsatynda Mońǵolııa, Majarstan, Germanııa, Úndistan, AQSh, Anglııa, Kanada, Polsha, Chehııa jáne taǵy basqa elderdiń arnaıy mamandandyrylǵan klınıkalarynda boldy.

2008 jyly «Parasat», 2014 jyly ІІ dárejeli «Barys», 2019 jyly «Dostyq», 2021 jyly ІІІ dárejeli «Barys» ordenderimen, Qyrǵyzstan men Qazaqstannyń birneshe medaldarymen marapattalǵan.

50 jyl buryn (1976) Qazaqstan Respýblıkasy Prezıdenti Ákimshiliginiń áleýmettik-ekonomıkalyq josparlaý bólimi meńgerýshisiniń orynbasary Sardar Serikuly QABDÝLOV dúnıege keldi.

Almaty qalasynda týǵan. Qazaq memlekettik basqarý akademııasyn bitirgen.

Eńbek joly: memlekettik qyzmet júıesindegi basshy laýazymyn atqardy. Almaty qalasy Ekonomıka jáne bıýdjettik josparlaý basqarmasynyń basshysy, Azyq-túlik korporatsııasy tóraǵasynyń orynbasary, QR Prezıdenti Ákimshiliginiń memlekettik ınspektory qyzmetin atqarǵan.

2025 jyldyń sáýirinen bastap qazirgi qyzmetinde.

46 jyl buryn (1980) Almaty qalasy ákiminiń orynbasary Nurlan Erǵalıuly ÁBDІRAHYM dúnıege keldi.

Jambyl qalasynda týǵan. «Qaınar» ýnıversıtetin «zańger» mamandyǵy boıynsha, Iel menedjment mektebin bitirdi.

Eńbek joly: 2001-2002 jyldary «Astanaenergoservıs» AAQ baqylaýshysy, 2002-2007 jyldary QR Ádilet mınıstrliginde jetekshi, bas maman, bólim bastyǵy, basqarma bastyǵynyń orynbasary, bastyǵy, zańnama departamenti dırektorynyń orynbasary, 2007 jyly QR Ádilet mınıstrligi normatıvtik quqyqtyq aktilerdi tirkeý departamentiniń dırektory, 2007-2009 jyldary QR Ádilet mınıstrliginiń shaǵyn zań aktileri departamentiniń dırektory, 2009-2012 jyldary QR Ádilet mınıstrliginiń Zııatkerlik menshik quqyǵy komıtetiniń tóraǵasy, 2012-2021 jyldary QR Prezıdenti Ákimshiliginiń memlekettik ınspektory, 2021-2023 jyldary QR Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary, 2023-2025 jyldary Almaty oblysy ákiminiń birinshi orynbasary bolyp qyzmet atqarǵan.

Qazirgi qyzmetin 2025 jyldyń qazan aıynan atqaryp keledi.

39 jyl buryn (1987) Mańǵystaý oblysy Aýyl sharýashylyǵy jáne jer qatynastary basqarmasynyń basshysy Sábıt Qadruly DÚISEKENOV dúnıege keldi.

Batys Qazaqstan oblysy, Oral qalasynda týǵan. Jáńgir han atyndaǵy Batys Qazaqstan agrarlyq-tehnıkalyq ýnıversıtetin (2012); M.Ótemisov atyndaǵy Batys Qazaqstan memlekettik ýnıversıtetin (2014); M.Áýezov atyndaǵy Ońtústik Qazaqstan memlekettik ýnıversıtetin bitirgen (2016).

Eńbek jolyn 2012 jyly Mańǵystaý oblysyndaǵy QR Aýyl sharýashylyǵy mınıstrligi Orman jáne janýarlar dúnıesi komıtetiniń «Ohotzooprom ÓB» RMQK «Kendirli Qaıasan» memlekettik qoryǵynyń kúzet qyzmetiniń bastyǵy qyzmetinen bastady.

2014 jyly «Ohotzooprom ÓB» RMQK Batys óńirlik fılıalynyń dırektory bolyp taǵaıyndaldy.

Al 2017 jyly «Kendirli Qaıasan» Memlekettik qoryq aýmaǵynyń kúzet qyzmetiniń basshysy, «Ohotzooprom ÓB» RMQK Oral óńirlik fılıalynyń basshysy, sondaı-aq, QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Oral óńirlik fılıalynyń basshysy qyzmetterin atqardy. 2017-2023 jyldary QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Aqtóbe óńirlik fılıalynyń basshysy bolyp jumys atqarǵan. 2023 jyly Aqtóbe oblysy Qobda aýdany ákiminiń orynbasary, sondaı-aq, «Aqtóbe oblysynyń tabıǵı resýrstar jáne tabıǵatty paıdalanýdy retteý basqarmasy» MM basshysy qyzmetterin atqardy. 2025-2026 jyldary Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy boldy.

2026 jyldyń aqpan aıynan bastap qazirgi qyzmetinde.

37 jyl buryn (1989) «Atameken» QR UKP Tóralqasynyń Adamı kapıtaldy damytý jáne bıznestiń áleýmettik saıasaty komıtetiniń tóraǵasy Oljas Temirbekuly ORDABAEV dúnıege keldi.

Almaty qalasynda týǵan. Abylaı han atyndaǵy Qazaq halyqaralyq qatynastar jáne álem tilderi ýnıversıtetin, «Cesar Ritz Colleges Switzerland» (Tsezar Rıtts kolledji Shveıtsarııa, Manchester Metropolıtan ýnıversıteti) bitirgen.

Eńbek joly: 2007-2014 jyldary birqatar qoǵamdyq uıymdardy basqardy. 2014-2015 jyldary «Kásipqor» Holdıngi» KEAQ Áleýmettik áriptestik basqarmasynyń bas menedjeri qyzmetin atqardy. 2015-2018 jyldary «Atameken» QR UKP, Adamı kapıtaldy damytý departamenti dırektorynyń orynbasary, dırektory, basqarýshy dırektory bolyp jumys istedi. 2018-2022 jyldary «Atameken» QR Ulttyq kásipkerler palatasy basqarma tóraǵasynyń orynbasary — basqarma múshesi qyzmetin atqardy.2022 jyly«Talap» KEAQ prezıdenti bolyp jumys istedi. 2022-2026 jyldary QR Eńbek jáne halyqty áleýmettik qorǵaý vıtse-mınıstri laýazymyn atqarǵan.

Qazirgi qyzmetin 2026 jyldyń qańtarynan beri atqaryp keledi.

77 jyl buryn (1939-2024) keńestik jáne qazaq qobyzshysy, aspapshy, mýzyka muǵalimi, professor Merýert Qabekenqyzy KALENBAEVA dúnıege kelgen.

Batys Qazaqstan oblysynda týǵan. K.Baıseıitova atyndaǵy respýblıkalyq daryndy balalarǵa arnalǵan mýzyka mektebin bitirgen (1956); Qurmanǵazy atyndaǵy Qazaq memlekettik konservatorııasynyń halyq aspaptar fakýltetin orkestr ártisi, kontserttik oryndaýshy mamandyǵy boıynsha bitirgen (1961).

Eńbek joly: 1961 jyly Qurmanǵazy atyndaǵy Qazaq memlekettik akademııalyq halyq aspaptar orkestriniń ártisi, 1961-1979 jyldary bas qobyzshy, Qurmanǵazy atyndaǵy Qazaq memlekettik akademııalyq halyq aspaptar orkestriniń súıemeldeýshisi, 1989-2009 jyldary K.Baıseıitova atyndaǵy daryndy balalarǵa arnalǵan respýblıkalyq mýzykalyq orta mekteptiń muǵalimi, 1979 jyly Qurmanǵazy atyndaǵy Qazaq ulttyq konservatorııasynyń qobyz jáne baıan kafedrasynyń oqytýshysy, dotsenti, professory bolyp qyzmet etti.

Qazaq KSR eńbek sińirgen ártisi (1977). Mádenıet salasyndaǵy QR Memlekettik stıpendııasynyń laýreaty (2017).